Connect with us

Hi, what are you looking for?

NEWS

വാഹനം ഇടിച്ച് കലുങ്ക് ഭിത്തി തകര്‍ന്ന് കനാലില്‍ പതിച്ചു

കോതമംഗലം: ചേലാട് മാലിപ്പാറ റോഡില്‍ വാഹനം ഇടിച്ച് കലുങ്ക് ഭിത്തി തകര്‍ന്ന് കനാലില്‍ പതിച്ചു. ഈ ഭാഗത്ത് ടാറിംഗിനായി നിരത്തിയ മെറ്റല്‍ റോഡില്‍ ചിതറി കിടക്കുന്നതും വാഹനങ്ങളെ അപകടത്തില്‍പ്പെടുത്തുന്നതായി പരാതി ഉയര്‍ന്നിട്ടുണ്ട്. പഴങ്ങരയ്ക്ക് സമീപത്തെ വളവിലാണ് അപകടം. പെരിയാര്‍വാലി ബ്രാഞ്ച് കനാലിന് മുകളിലുള്ള കലുങ്ക് ഭിത്തിയാണ് അപകടത്തില്‍ തകര്‍ന്നത്. തകര്‍ന്ന കലുങ്കിന്റെ അവശിഷ്ടങ്ങള്‍ കനാലില്‍ പതിച്ചു. തിങ്കളാഴ്ച രാത്രിയിലായിരുന്നു അപകടം. വാഹനം തിരിച്ചറിഞ്ഞിട്ടില്ല. കാര്‍ ആണെന്നാണ് സൂചന. ഭിത്തി തകര്‍ന്ന് പോയ ഭാഗത്ത് അപായസൂചനയായി റിബണ്‍ വലിച്ച് കെട്ടിയിട്ടുണ്ട്.

റോഡിന്റെ നവീകരണപ്രവര്‍ത്തനത്തിനായി ഇരുവശങ്ങളിലും വിരിച്ച മെറ്റല്‍ ഇളകികിടക്കുന്നതും അരികില്‍ കൂട്ടിയിട്ടത് റോഡിലേക്ക് ചിതറികിടക്കുന്നതും അപകടഭീഷണി ഉയര്‍ത്തുകയാണ്. ഏതാനും ഇരുചക്രവാഹന യാത്രികരും സൈക്കിള്‍ യാത്രികരും ഇവിടെ ദിവസങ്ങള്‍ക്കിടയില്‍ അപകടത്തില്‍പ്പെട്ടു. ടാറിംഗിന് മുന്നോടിയായി മെറ്റല്‍ വിരിച്ചിട്ട് ആഴ്ചകള്‍ കഴിഞ്ഞു. എത്രയും വേഗം ലുങ്കിന്റെ തകര്‍ന്ന ഭാഗം നിര്‍മിച്ചും ടാറിംഗ് നടത്തിയും അപകടസാധ്യത ഒഴിവാക്കാന്‍ അടിയന്തര നടപടി ഉണ്ടാകണം.

You May Also Like

NEWS

കോതമംഗലം : നെല്ലിക്കുഴി രണ്ടുമാസം മുൻപ് ചിറയിൻകീഴിൽ ഉണ്ടായ വാഹന അപകടത്തിൽ പരിക്കേറ്റ് തിരുവനന്തപുരം മെഡിക്കൽ കോളേജിൽ ചികിത്സയിൽ കഴിഞ്ഞിരുന്ന ആലുവ UC കോളേജ് MBA വിദ്യാർത്ഥിനി മഹാരാഷ്ട്ര സാംഗ്ലി സ്വദേശി ഹനുമന്ത്...

NEWS

കോട്ടപ്പടി : കോട്ടപ്പടി പ്ലാച്ചേരിയിൽ കിണറിൽ വീണ കാട്ടാനയെ തുറന്നുവിടുന്നത് സംബന്ധിച്ച് പഞ്ചായത്ത് സമിതി അംഗങ്ങളുമായി ചർച്ച നടത്തിയാണ് തീരുമാനമെടുത്തത് എന്ന മലയാറ്റൂർ ഡി എഫ് ഒ യുടെ വാദം ശുദ്ധ നുണയെന്ന്...

NEWS

കോട്ടപ്പടി: കോട്ടപ്പടിയിൽ ജനവാസ മേഖലയിലെ കിണറ്റിൽ വീണ ആനയെ കയറ്റിവിട്ടതുമായി ബന്ധപ്പെട്ട് ജനപ്രതിനിധികളും, ആർ ഡി ഒ അടക്കമുള്ള സർക്കാർ ഉദ്യോഗസ്ഥന്മാരും കാണിച്ച കൊടിയ വഞ്ചനക്കെതിരെ കിഫ എറണാകുളം ജില്ലാ കമ്മിറ്റി ശക്തമായ പ്രതിഷേധം...

NEWS

പെരുമ്പാവൂർ : കോട്ടപ്പടിയിൽ കിണറ്റിൽ വീണ ആന ജനങ്ങൾക്ക് ഭീഷണിയായി സമീപപ്രദേശത്ത് തന്നെ തുടരുന്ന അവസ്ഥ സംജാതമായത് ഗുരുതരമായ വീഴ്ചയെന്ന് എൽദോസ് കുന്നപ്പള്ളി എംഎൽഎ കുറ്റപ്പെടുത്തി .ജനപ്രതിനിധികളുടെ സാന്നിധ്യത്തിൽ ആനയെ മയക്കു വെടി...