മൂവാറ്റുപുഴ: ആവോലി കണ്ണപ്പുഴ പാലത്തിനു സമീപം അജ്ഞാത മൃതദേഹം കണ്ടെത്തി. ഇന്ന് രാവിലെ പത്തോടെയാണ് കണ്ണമ്പുഴ കപ്പേളയ്ക്ക് സമീപത്തെ സ്വകാര്യ വ്യക്തിയുടെ പറമ്പിൽ ഉപേക്ഷിക്കപെട്ട നിലയിൽ കിടന്നിരുന്ന മിക്സിങ് മെഷീന്റെ താഴ് ഭാഗത്ത് നിന്നും ഏകദേശം 55വയസിനു മുകളിൽ പ്രായം തോന്നിക്കുന്ന പുരുഷ മൃതദേഹം കണ്ടെത്തിയത്. കാലപഴക്കം ചെന്നതിനാൽ മൃതദേഹം അഴുകിയിട്ടുണ്ട്.
സംഭവം ശ്രദ്ധയിൽപെട്ടത്തോടെ നാട്ടുകാർ വാഴക്കുളം പോലീസിൽ വിവരം അറിയിക്കുകയായിരുന്നു. തുടർന്ന് സംഭവ സ്ഥലത്ത് മൂവാറ്റുപുഴയിലെയും, വാഴക്കുളത്തെയും പോലീസ് ഉദ്യോഗസ്ഥർ എത്തി മേൽനടപടികൾ സ്വീകരിച്ചു വരുന്നു. ആളെ തിരിച്ചറിഞ്ഞിട്ടില്ല.
