പെരുമ്പാവൂർ : പെരുമ്പാവൂർ മണ്ഡലത്തിലെ മോശമായ ഗ്രാമീണ റോഡുകൾ നവീകരിക്കുന്നതിന് 164 ലക്ഷം രൂപയുടെ പദ്ധതികൾ റവന്യു വകുപ്പ് മന്ത്രി ഇ. ചന്ദ്രശേഖരന് സമർപ്പിച്ചതായി എൽദോസ് കുന്നപ്പിള്ളി എംഎൽഎ അറിയിച്ചു. വിവിധ തദ്ദേശ സ്വയംഭരണ സ്ഥാപനങ്ങളിലെ 22 റോഡുകൾ പുനർ നിർമ്മിക്കുന്നതിനാണ് തുക ആവശ്യപ്പെട്ടിട്ടുള്ളത്. കഴിഞ്ഞ കാലവർഷ കെടുതിയിൽ തകർന്ന റോഡുകളുടെ പട്ടികയാണ് സമർപ്പിച്ചത്.
രായമംഗലം ഗ്രാമപഞ്ചായത്തിലെ പി.എ പൗലോസ് കോർ എപ്പിസ്‌കോപ്പ റോഡ്, വട്ടോളിപ്പടി – കളർകോട് കോളനി റോഡ്, സി.എസ്.ഐ ചർച്ച് – എരപ്പ് റോഡ്, മൂരുകാവ് – ചെറുക്കുന്നം കനാൽ ബണ്ട് റോഡ്, കൂവപ്പടി പഞ്ചായത്തിലെ ചേരാനല്ലൂർ ലിഫ്റ്റ് ഇറിഗേഷൻ കനാൽ ബണ്ട് റോഡ്, മംഗലം എസ്റ്റേറ്റ് – പനങ്കുരുത്തോട്ടം ക്ഷേത്രം റോഡ്, തോട്ടുവ – പറയത്ത് കടവ് റോഡ്, ഗാന്ധി പുഞ്ച റോഡ്, ചുണ്ടക്കുഴി ഫാം റോഡ്, പുളിയാമ്പിള്ളി കോളനി – ഓലിപ്പാറ റോഡ്, കെ. കരുണാകരൻ റോഡ്, അശമന്നൂർ പഞ്ചായത്തിലെ ഞണ്ടാടി കനാൽ ബണ്ട് റോഡ്, വട്ടപ്പാറച്ചാൽ – ഇരുങ്ങനാക്കണ്ടം റോഡ്, മുടക്കുഴ പഞ്ചായത്തിലെ അകനാട്‌ – കാവുങ്കൽപ്പാടം റോഡ്, ഒക്കൽ പഞ്ചായത്തിലെ മലയിലാൻ റോഡ്, കാത്തലിക്ക് സിറിയൻ ബാങ്ക് റോഡ്, പെരുമ്പാവൂർ മുനിസിപ്പാലിറ്റിയിലെ മുല്ലക്കൽ ജംഗ്ഷൻ – അംഗൻവാടി റോഡ്, മാളിയേക്കൽ റോഡ്,
വെങ്ങോല പഞ്ചായത്തിലെ കണ്ടന്തറ – ആശാരിമോളം റോഡ്, അംഗനവാടി സേവനപുരം റോഡ്, വേങ്ങൂർ പഞ്ചായത്തിലെ വേങ്ങൂർ – അകനാട്‌ റോഡ് എന്നീ പദ്ധതികളാണ് അംഗീകാരത്തിനായി സമർപ്പിച്ചത്.
ഇത് കൂടാതെ പ്രളയത്തിൽ തകർന്ന റോഡുകൾ പുനരുദ്ധരിക്കുന്നതിനായി അനുവദിക്കപ്പെട്ട 18 റോഡുകളുടെ നിർമ്മാണ പ്രവർത്തനങ്ങൾ പുരോഗമിക്കുകയാണെന്നും എംഎൽഎ പറഞ്ഞു. എല്ലാ റോഡ് പദ്ധതികളുടെയും ടെൻഡർ നടപടികൾ പൂർത്തിയാക്കി. ടൈൽ വിരിക്കേണ്ട റോഡുകളുടെ നിർമ്മാണം ആരംഭിച്ചു. ടാറിംഗ് പ്രവൃത്തികൾ മഴ മാറിയതിന് ശേഷം ആരംഭിക്കും. 485 ലക്ഷം രൂപയാണ് പെരുമ്പാവൂർ മണ്ഡലത്തിലെ പ്രവൃത്തികൾക്കായി അനുവദിച്ചത്.
