Connect with us

Hi, what are you looking for?

CHUTTUVATTOM

9 വിദ്യാലയങ്ങൾക്ക് 1367 ഫർണ്ണിച്ചറുകൾ ; വിദ്യാലയങ്ങൾക്ക് ആധുനിക ഫർണിച്ചറുകൾ നൽകി.

പെരുമ്പാവൂർ : മണ്ഡലത്തിലെ 9 വിദ്യാലയങ്ങളുടെ മുഖം മാറുകയാണ്. എം.എൽ.എ ഫണ്ടിൽ നിന്നും അക്കാദമിക്ക് ബ്ലോക്കുകൾ അനുവദിച്ച 8 വിദ്യാലയങ്ങൾക്കും സംസ്ഥാന സർക്കാർ ഫണ്ട് ഉപയോഗിച്ചു നിർമ്മാണം പൂർത്തികരിച്ച കൊമ്പനാട് ഗവ. യു.പി സ്‌കൂളിനും ഉൾപ്പെടെ 9 വിദ്യാലയങ്ങൾക്കാണ് ആധുനിക ഫർണ്ണിച്ചറുകൾ നൽകുന്നത്. വാണിയപ്പിള്ളി ഗവ. എൽ.പി സ്‌കൂളിൽ അനുവദിച്ച ഫർണ്ണിച്ചറുകളുടെ വിതരണം എൽദോസ് കുന്നപ്പിള്ളി എം.എൽ.എ നിർവഹിച്ചു.

എം.എൽ.എ ഫണ്ടിൽ നിന്നും മണ്ഡലത്തിലെ 9 വിദ്യാലയങ്ങളിൽ സ്മാർട്ട് പെരുമ്പാവൂർ പദ്ധതി പ്രകാരമാണ് ഫർണിച്ചറുകൾ നൽകിയത്. 42.30 ലക്ഷം രൂപയാണ് പദ്ധതിക്ക് വേണ്ടി അനുവദിച്ചത്. വാണിയപ്പിള്ളി സ്‌കൂളിൽ 80 ഫർണിച്ചറുകൾ നൽകി. സ്‌കൂൾ പി.ടി.എ പ്രസിഡന്റ് പോൾ കെ.പോൾ അദ്ധ്യക്ഷത വഹിച്ചു. മുടക്കുഴ ഗ്രാമപഞ്ചായത്ത് പ്രസിഡന്റ് പി.പി അവറാച്ചൻ, ജില്ല പഞ്ചായത്ത് അംഗം മനോജ് മൂത്തേടൻ, പഞ്ചായത്ത് വൈസ് പ്രസിഡന്റ് റോഷ്നി എൽദോ, ബ്ലോക്ക് പഞ്ചായത്ത് അംഗം ഷോജ റോയി, പഞ്ചായത്ത് അംഗങ്ങളായ സോമി ബിജു, കെ.ജെ മാത്യു, ജോസ് എ. പോൾ, വിപിൻ പരമേശ്വരൻ, ബിന്ദു ഉണ്ണി, വത്സ വേലായുധൻ, ഡോളി മത്തായികുടി, രജിത ജെയ്മോൻ, അഡ്വ. ജോബി മാത്യു, പി.എസ് സുനിത്, നീലകണ്ഠൻ ഇളയത്, ഹെഡ്മിസ്ട്രസ് ദൻഷ, ബിജു ടി.കെ എന്നിവർ സംസാരിച്ചു.

വിദ്യാലയങ്ങൾക്ക് അനുവദിച്ച കെട്ടിടങ്ങൾ നിർമ്മാണം പൂർത്തികരിക്കുമ്പോൾ നേരിടുന്ന മികച്ച ഫർണ്ണിച്ചറുകളുടെ അഭവത്തിന് ഇതോടെ പരിഹാരമാവുകയാണെന്ന് എൽദോസ് കുന്നപ്പിള്ളി എം.എൽ.എ പറഞ്ഞു. ആധുനിക ഫർണ്ണിച്ചറുകൾ കൂടി എത്തുന്നതോടെ മണ്ഡലത്തിലെ 9 വിദ്യാലയങ്ങളുടെ മുഖച്ഛായ തന്നെ മാറും. 1367 ഫർണ്ണിച്ചറുകളാണ് പദ്ധതി പ്രകാരം അനുവദിച്ചത്. അധ്യാപകർക്കും വിദ്യാർത്ഥികൾക്കും ആവശ്യമായി വരുന്ന മുഴുവൻ ഫർണ്ണിച്ചറുകളും പദ്ധതി പ്രകാരം നൽകി. 9 വിദ്യാലയങ്ങളിലെ 37 ക്ലാസ് മുറികൾ ഇത് പ്രകാരം ഹൈടെക്ക് ക്ലാസ് മുറികൾ ആയി മാറുകയാണ്.

കൊമ്പനാട് ഗവ. യു.പി സ്‌കൂൾ 204 എണ്ണം, വേങ്ങൂർ ഗവ. എൽ.പി സ്‌കൂൾ 166 എണ്ണം, ഗവ. എൽ.പി സ്‌കൂൾ പുല്ലുവഴി 197 എണ്ണം, വാണിയപ്പിള്ളി ഗവ. എൽ.പി സ്‌കൂൾ 80 എണ്ണം, കാഞ്ഞിരക്കാട് ഗവ. എൽ.പി സ്‌കൂൾ 23 എണ്ണം, വളയൻചിറങ്ങറ ഗവ. എൽ.പി സ്‌കൂൾ 235 എണ്ണം, കീഴില്ലം ഗവ. യു.പി സ്‌കൂൾ 73 എണ്ണം, ഗവ. യു.പി സ്‌കൂൾ പുഴുക്കാട് – 72 എണ്ണം, ഇരിങ്ങോൾ ഗവ. വൊക്കേഷണൽ ഹയർസെക്കൻഡറി സ്‌കൂൾ 317 എണ്ണം എന്നീ വിദ്യാലയങ്ങളിലാണ് പദ്ധതി പ്രകാരം ഫർണ്ണിച്ചറുകൾ അനുവദിച്ചത്. അധ്യാപകർക്കുള്ള 74 ഫർണ്ണിച്ചറുകളും വിദ്യാർഥികൾക്കുള്ള 1233 ഫർണ്ണിച്ചറുകളും ആണ് വിദ്യാലയങ്ങൾക്ക് നൽകിയത്. വിദ്യാർത്ഥികൾക്ക് 391 ഡെസ്‌ക്കുകളും 782 കസേരകളും ആണ് നൽകിയത്. അധ്യാപകർക്കുള്ള 37 ഡെസ്‌ക്കുകളും 37 കസേരകളും ഇതോടൊപ്പം ഹയർസെക്കൻഡറി വിദ്യാർഥികൾക്കുള്ള 120 ഫർണ്ണിച്ചറുകളും വിതരണം ചെയ്തു.

You May Also Like

CHUTTUVATTOM

പെരുമ്പാവൂർ : ആറാം വിരൽ മുറിക്കേണ്ടി വന്ന കുട്ടിക്ക് നാവു മുറിച്ചു മാറ്റാഞ്ഞത് ഭാഗ്യം കൊണ്ട് മാത്രമാണെന്ന് എൽദോസ് കുന്നപ്പള്ളി എംഎൽഎ പറഞ്ഞു .ആരോഗ്യവകുപ്പിന്റെ പേര് അനാസ്ഥ വകുപ്പ് എന്നാക്കണമെന്നും ആരോഗ്യവകുപ്പ് മന്ത്രിക്ക്...

CHUTTUVATTOM

പെരുമ്പാവൂർ : വേങ്ങൂർ ,മുടക്കുഴ പഞ്ചായത്തുകളിൽ മഞ്ഞപ്പിത്ത ബാധ വ്യാപകമാകുന്നത് തടയുവാൻ ജില്ലാ മെഡിക്കൽ ഓഫീസർ ഡോ .ഷക്കീനയുടെ സാന്നിധ്യത്തിൽ എൽദോസ് കുന്നപ്പിള്ളി എംഎൽഎയുടെ നേതൃത്വത്തിൽ അവലോകനയോഗം ചേർന്നു . ഇരു പഞ്ചായത്തുകളിലുമായി...

CHUTTUVATTOM

പെരുമ്പാവൂർ : വേങ്ങൂർ പഞ്ചായത്തിൽ ആറാം വാർഡിൽ സ്ഥിതി ചെയ്യുന്ന ആദിവാസി ഊരായ പോങ്ങൻ ചുവട് ആദിവാസി കൂടിയിലേക്ക് കെഎസ്ആർടിസി ബസ് അനുവദിക്കണമെന്ന എൽദോസ് കുന്നപ്പള്ളി എംഎൽഎയുടെ സബ്മിഷനിലൂടെയുള്ള ആവശ്യത്തിന് കെഎസ്ആർടിസി സർവീസ്...

CHUTTUVATTOM

പെരുമ്പാവൂർ : ബി.എം.ബി.സി നിലവാരത്തിൽ നിർമ്മാണം പൂർത്തീകരിച്ച കുറുപ്പുംപടി കൂട്ടിക്കൽ റോഡിൻ്റെ ഉദ്ഘാടനം പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് ഓൺലൈനായി നിർവഹിച്ചു. ബജറ്റ് പ്രൊവിഷൻ ഫണ്ടിൽ നിന്നും 5.14 കോടി...