കോതമംഗലം: പരീക്കണ്ണി വിക്ടറി ലൈബ്രറിയുടെ ആഭിമുഖ്യത്തിൽ സംഘടിപ്പിച്ച വായന പക്ഷാചരണവും ,വിദ്യാഭ്യാസ അവാർഡ് വിതരണവും ഷിബു തെക്കുംപുറം എംഎൽഎ ഉദ്ഘാടനം ചെയ്തു.ചടങ്ങിൽ എംഎൽഎ ക്ക് സ്വീകരണവും നൽകി. എസ് എസ് എൽ സി,പ്ലസ് ടൂ പരീക്ഷയിൽ മികച്ച വിജയം നേടിയ വിദ്യാർത്ഥികളെയും, ഉന്നത വിദ്യാഭ്യാസ മേഖലയിൽ തിളക്കമാർന്ന നേട്ടം കൈവരിച്ച വിദ്യാർത്ഥികളെയും ചടങ്ങിൽ മെമൻ്റോ നൽകി അനുമോദിച്ചു.ലൈബ്രറി പ്രസിഡൻ്റ് കെ.വി.പൗലോസ് അധ്യക്ഷത വഹിച്ചു. പഞ്ചായത്ത് പ്രസിഡണ്ട് ബിന്ദു ജോർജ് മുഖ്യ പ്രഭാഷണം നടത്തി. ജില്ലാ പഞ്ചായത്ത് അംഗം ജോമി തെക്കേക്കര, ലൈബ്രറി കൗൺസിൽ അംഗം പി. എം. അബ്ദുൽ സലാം, ബ്ലോക്ക് പഞ്ചായത്ത് അംഗം പി.എം. സിദ്ദിക്ക്, പഞ്ചായത്ത് അംഗങ്ങളായ സുനി അയ്യപ്പൻ, കെ. എ അനിൽകുമാർ ,ഹക്കീം ഖാൻ, ഊന്നുകൽ സഹകരണ ബാങ്ക് പ്രസിഡൻ്റ് എം.എസ്.പൗലോസ്,ലൈബ്രറി വൈസ് പ്രസിഡൻറ് എ.റ്റി.പൗലോസ്, താലൂക്ക് ലൈബ്രറി കൗൺസിൽ അംഗങ്ങളായ ബേബി വർഗീസ്, എ . കെ.ശങ്കരൻ, ലൈജു ചെറിയാൻ, റിഥിക റോബി എന്നിവർ പ്രസംഗിച്ചു.
