പല്ലാരിമംഗലം: പല്ലാരിമംഗലം ഗ്രാമ പഞ്ചായത്തിൽ 100 ശതമാനം നികുതി പിരിവിന് നേതൃത്വം നൽകിയ രണ്ടാം വാർഡ് മെമ്പർ കെ എം മൈതീൻ, അഞ്ചാം വാർഡ് മെമ്പർ റിയാസ് തുരുത്തേൽ, ആറാം വാർഡ് മെമ്പർ സഫിയ സലിം എന്നിവരേയും, ഈ വാർഡുകളിലെ നികുതി പിരിവിന് ചാർജ്ജുള്ള ക്ലാർക്ക് എൻ ജെ റോയി, എസ് സി പ്രമോട്ടർ ശ്രീജ അനിൽകുമാർ എന്നിവരേയും പ്രസിഡന്റ് ഖദീജ മുഹമ്മദ്, വൈസ് പ്രസിഡന്റ് ഒ ഇ അബ്ബാസ് എന്നിവർ മൊമന്റോ നൽകി ആദരിച്ചു.
ചടങ്ങിൽ സ്റ്റാൻഡിംഗ് കമ്മിറ്റി ചെയർപേഴ്സൺ മാരായ കെ എം അബ്ദുൾ കരീം, സീനത്ത് മൈതീൻ, വാർഡ് മെമ്പർമാരായ അബൂബക്കർ മാങ്കുളം, ആഷിത അൻസാരി, ഷാജിമോൾ റഫീഖ്, നെസിയ ഷെമീർ, ഷിബി ബോബൻ, എ എ രമണൻ, പഞ്ചായത്ത് സെക്രട്ടറി എം എം ഷംസുദ്ധീൻ എന്നിവർ പ്രസംഗിച്ചു.
