കോതമംഗലം :- കഴിഞ്ഞ രണ്ട് പതിറ്റാണ്ടുകളിലേറെ കാലമായ് പല്ലാരിമംഗലം പഞ്ചായത്തിൽ അടിവാട് കേന്ദ്രമാക്കി സാമൂഹീക സാംസ്ക്കാരിക ആരോഗ്യ ജീവകാരുണ്യ ശുചീകരണ കലാ- കായിക ജീവകാരുണ്യ മേഘലകളിൽ സജ്ജീവ സാനിദ്ധ്യമായ് പ്രവർത്തിച്ച് വരുന്ന ഹീറോ യംഗ്സ് ക്ലബ്ബ് & റീഡിംഗ് റൂമിന്റെ 23-ാമത് വാർഷീക പൊതുയോഗം അടിവാട് പടിഞ്ഞാറേ ചാലിൽ ഹാളിൽ ( എം.കെ മൈതീൻ നഗർ ) ൽ സംഘടിപ്പിച്ചു. ഗ്രാമ പഞ്ചായത്ത് പ്രസിഡന്റ് പി.കെ മൊയ്തു പൊതു സമ്മേളനത്തിന്റെ ഉദ്ഘാടനം നിർവ്വഹിച്ചു.
വിവിധ പുരസ്ക്കാര വിതരണ ഉദ്ഘാടനം ഗ്രാമ പഞ്ചായത്ത് വൈസ് പ്രസിഡന്റ് നിസാമോൾ സിദ്ധീഖ് നിർവ്വഹിച്ചു. ബ്ലോക്ക് പഞ്ചായത്ത് അംഗം ഒ.ഇ അബ്ബാസ് മുഖ്യ പ്രഭാഷണം നടത്തി , ക്ലബ്ബ് പ്രസിഡന്റ് കെ കെ അഷ്റഫ് അദ്ധ്യക്ഷത വഹിച്ച യോഗത്തിൽ സെക്രട്ടറി ഷിജീബ് സൂപ്പി സ്വാഗതവും ട്രഷറർ അനീഷ് പി.ജി നന്ദിയും പറഞ്ഞു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
പ്രസ്തുത യോഗത്തിൽ പ്രകൃതിക്ഷോഭങ്ങളെ അതിജീവിക്കുന്നതിന് വേണ്ടി രൂപീകരിക്കുന്ന ദേശീയ ദുരന്തനിവാരണ സേനയിലേക്ക് പരിശീലനം ലഭിക്കുന്നതിന് വേണ്ടി ചെന്നൈ
ആരക്കോണത്ത് നടക്കുന്ന MDRF പരിശീലന പരിപാടിയിൽ സംബന്ധിക്കുവാൻ ജനുവരി 26 ന് പുറപ്പെടുന്ന ഹീറോ യംഗ്സ് ക്ലബ്ബ് അംഗങ്ങളായ വിഷ്ണു പി.ആർ , ആസിഫ് കെ അബ്ബാസ് വിഷ്ണു സുരേഷ് തുടങ്ങിയവർക്ക് ഹൃദ്യമായ യാത്രയയപ്പ് നൽകി , കൂടാതെ സമൂഹത്തിൽ വിവിധ പ്രവർത്തനങ്ങൾ കാഴ്ചവച്ചു കൊണ്ട് സ്വതസിദ്ധമായ ശൈലിയിൽ വ്യക്തിമുദ്ര പതിപ്പിച്ച വ്യക്തിത്വങ്ങൾക്ക് പുരസ്ക്കാരം നൽകി ആദരിക്കുകയും ചെയ്തു .
തുടർന്ന് 2020 – 2021 വർഷത്തേക്കുള്ള ഭാരവാഹികളെ തിരഞ്ഞെടുത്തു , പ്രസിഡൻറ് കെ.കെ അബ്ദുൽ റഹ്മാൻ സെക്രട്ടറി അബ്ബാസ് കെ.എം കൊടുത്താപ്പിള്ളി ട്രഷറർ അനിൽ വർഗ്ഗീസ് തുടങ്ങിയവരെയും 31 അംഗ എക്സിക്യുട്ടീവ് കമ്മറ്റി അംഗങ്ങളേയും തിരഞ്ഞെടുത്തു .പൊതുയോഗനന്തരം വിബിൻ ജലന്തോ പുല്ലുവഴിയുടെ ഗാനസന്ധ്യയുമുണ്ടായിരുന്നു.
![](https://kothamangalamnews.com/wp-content/uploads/2023/11/kothamangalamnews.png)
You must be logged in to post a comment Login