Connect with us

Hi, what are you looking for?

NEWS

എൻ.എച്ച് 85: മൂന്നാർ മുതൽ കുണ്ടന്നൂർ വരെ നവീകരണ അനുമതി ഉടൻ ലഭിക്കും:- ഡീൻ കുര്യാക്കോസ് എം.പി

കോതമംഗലം : എൻ.എച്ച് 85 കൊച്ചി – ധനുഷ്‌കോടി മൂന്നാർ മുതൽ കുണ്ടന്നൂർ വരെ അന്തർദേശീയ നിലവാരത്തിൽ നവീകരിക്കുന്നതിന് കേന്ദ്ര സർക്കാർ ഉടൻ അനുമതി നൽകുമെന്ന് ഡീൻ കുര്യാക്കോസ് എം.പി. ദേശിയപാതകളുടെ വികസനവും കോതമംഗലം, മൂവാറ്റുപുഴ ബൈപാസുകളുടെ നിർമ്മാണം സംബന്ധിച്ചും ചർച്ച ചെയ്യുന്നതിന് കേന്ദ്ര ഉപരിതല ഗതാഗത വകുപ്പ് മന്ത്രി നിതിൻ ഗഡ്ഗരി അനുവദിച്ച പ്രത്യേക കൂടിക്കാഴ്ചയിലാണ് ഇക്കാര്യത്തിൽ ഉറപ്പ് ലഭിച്ചത്. നേരത്തെ മന്ത്രിയുമായി ചർച്ച നടത്തിയതിന്റെ അടിസ്ഥാനത്തിൽ, നാഷണൽ ഹൈവേ അതോറിറ്റി ഓഫ് ഇന്ത്യയുടെ കേരളത്തിലെ പ്രൊജക്ട് മാനേജർ ജെ. ബാലചന്ദറിന് വിശദമായ റിപ്പോർട്ട് നൽകുന്നതിന് നിർദേശം നൽകിയിരുന്നു. വിശദമായ ഡിറ്റേയ്ൽഡ് പ്രോജക്ട് റിപ്പോർട്ട് തയ്യാറാക്കുകയും, 2 ലെയിൻ വിത്ത് പേവ്ഡ് ഷോൾഡർ എന്ന തലത്തിൽ നിർമ്മാണാനുമതിയ്ക്ക് ശുപാർശ നൽകുകയും ചെയ്തു.

തേനി മുതൽ ബോഡിമെട്ട് വരെയും , ബോഡിമെട്ട് മുതൽ മൂന്നാർ വരെയും അന്തർദേശീയ നിലവാരത്തിൽ വികസന പ്രവർത്തനങ്ങൾ പൂർത്തിയായി വരുകയാണ്. മൂന്നാർ മുതൽ കുണ്ടന്നൂർ വരെയാണ് ഇനി വികസന പ്രവർത്തനങ്ങൾ നടത്തേണ്ടത്. 30 വർഷം നിർദേശിക്കപ്പെട്ടിട്ടുളള മുവാറ്റുപുഴ, കോതമംഗലം എന്നീ ബൈപാസുകൾ, നേര്യമംഗലത്ത് പുതിയ പാലമുൾപ്പടെ അടിമാലി വരെ വനപ്രദേശങ്ങളിലൂടെയുള്ള വികസന പ്രവർത്തനങ്ങൾ ഉൾപ്പടെ ഉറപ്പു വരുത്തുന്ന തരത്തിലാണ് നിർദ്ദിഷ്ട ശുപാർശകൾ നൽകപ്പെട്ടിട്ടുള്ളത്. ഈ ശുപാർശകൾക്ക് ഉടൻതന്നെ അംഗീകാരം നൽകുമെന്ന് മന്ത്രി ഉറപ്പു നൽകിയതായി ഡീൻ കുര്യാക്കോസ് എം.പി അറിയിച്ചു.

You May Also Like

NEWS

കോതമംഗലം : വാരപ്പെട്ടി കവല – അമ്പലംപടി കൊച്ചി-ധനുഷ് കോടി ദേശീയപാതയുമായി ബന്ധിപ്പിക്കുന്ന പാലം ഗതാഗതത്തിനായി തുറന്നു. കോതമംഗലം ആറിന് കുറുകെ നിർമ്മിച്ചിട്ടുള്ളതിൽ വച്ച് ഏറ്റവും വലിയ പാലം ഗതാഗതത്തിനായി തുറന്നതോടെ വാരപ്പെട്ടി,...

NEWS

പല്ലാരിമംഗലം : പ്രധാനമന്ത്രി ഗ്രാമീണ സടക് യോജനയിൽ ഉൾപ്പെടുത്തി പല്ലാരിമംഗലം കവളങ്ങാട് പഞ്ചായത്ത്കളെ തമ്മിൽ ബന്ധിപ്പിക്കുന്ന മങ്ങാട്ടുപടി – പരുത്തിമാലി – പരീക്കണ്ണി – പൈമറ്റം – ചിറമേൽപടി – മക്കാമസ്ജിദ് റോഡിന്റെ...

NEWS

തൊടുപുഴ: കേരളത്തിനു വേണ്ടി ജനവാസ കേന്ദ്രങ്ങളും , കൃഷിസ്ഥലങ്ങളും ,തോട്ടങ്ങളും ഒഴിവാക്കി ഇ.എസ്.എ അന്തിമ വിജ്ഞാപനം പുറപ്പെടുവിക്കണമെന്ന് ഡീൻ കുര്യാക്കോസ് എം.പി ആവശ്യപ്പെട്ടു. വനം പരിസ്ഥിതി മന്ത്രി ഭൂപേന്ദ്ര യാദവിനെ നേരിൽ കണ്ട്...

NEWS

നേര്യമംഗലം : നേരിയമംഗലം ടൗണിൽ ഹോമിയോ ഹോസ്പിറ്റൽ പ്രവർത്തനം ആരംഭിച്ചു.കവളങ്ങാട് ഗ്രാമപഞ്ചായത്തിന്റെ കീഴിലുള്ള ഹോമിയോ ഡിസ്പെൻസറി നേര്യമംഗലത്ത് കോളനിയിൽ 23 വർഷമായി പ്രവർത്തിച്ചു വരിയായിരുന്നു.13 വർഷക്കാലം കൈരളി വായനശാലയുടെ മുറിയിൽ സൗജന്യമായും,10 വർഷക്കാലം മറ്റൊരു...