കോതമംഗലം: എസ്എസ്എൽസി /പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ സെന്റ് അഗസ്റ്റിൻസ് ഗേൾസ് ഹയർസെക്കൻഡറി സ്കൂളിലെ വിദ്യാർത്ഥിനികളെയും, ഒന്നൊഴികെ മറ്റെല്ലാ വിഷയങ്ങൾക്കും എ പ്ലസ് നേടിയ വിദ്യാർത്ഥിനികളെയും അനുമോദിക്കുന്ന ചടങ്ങ് സ്കൂളിൽ സംഘടിപ്പിച്ചു. ഇടുക്കി എംപി അഡ്വക്കേറ്റ് ഡീൻ കുര്യാക്കോസ് “മെറിറ്റ് ഡേ” സമ്മേളനം ഉദ്ഘാടനം ചെയ്തു. എസ്എസ്എൽസി പരീക്ഷയിൽ, വിദ്യാഭ്യാസ ജില്ലയിൽ ഏറ്റവും കൂടുതൽ കുട്ടികൾ പരീക്ഷ എഴുതുകയും, ഏറ്റവും കൂടുതൽ എ പ്ലസ് നേടു കയും ചെയ്ത വിദ്യാലയമാണ് സെന്റ് അഗസ്റ്റിൻ സ്കൂൾ.123 കുട്ടികളാണ് ഈ വർഷം എസ്എസ്എൽസി പരീക്ഷയിൽ,ഫുൾ എ പ്ലസ് നേടിയത്.പ്ലസ് ടു പരീക്ഷയിലും ഏറ്റവും കൂടുതൽ എ പ്ലസ് നേടിയത് ഇതേ സ്കൂൾ തന്നെയാണ്.ചടങ്ങിൽ സ്കൂൾ മാനേജർ സിസ്റ്റർ മെറീന അധ്യക്ഷത വഹിച്ചു. കോതമംഗലം എംഎൽഎ ആന്റണി ജോൺ മുഖ്യപ്രഭാഷണം നടത്തി. മുനിസിപ്പൽ ചെയർമാൻ കെ കെ ടോമി, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ജോസ് വർഗീസ്, വാർഡ് കൗൺസിലർ കെ വി തോമസ്, കോതമംഗലം എ ഇ ഒ സജീവ് കെ ബി, പിടിഎ പ്രസിഡണ്ട് സോണി മാത്യു, എം പി ടി എ പ്രസിഡന്റ് ജിപ്സി അലക്സ്, വിദ്യാർഥിനി പ്രതിനിധികൾ വർഷ ബിജു, ദേവനന്ദ സുരേഷ് എന്നിവർ ആശംസകൾ അറിയിച്ചു. ഹെഡ്മിസ്ട്രസ് സിസ്റ്റർ റിനി മരിയ യോഗത്തിന് സ്വാഗതം അർപ്പിക്കുകയും പ്രിൻസിപ്പൽ സിസ്റ്റർ ലിസ് മരിയ നന്ദി പറയുകയും ചെയ്തു.
