കോതമംഗം: നെല്ലിമറ്റം പൗരസമിതി നടത്തി വരുന്ന നാലാമത് അഖില കേരള വടംവലി മത്സരരത്തിൽ ഷാഡോസ് കരിയാട് ജേതാക്കളായി. ഈ സീസണിൽ ആൾ കേരള വടംവലി അസോസിയേഷൻ അംഗീകാരത്തിൽ ആദ്യത്തെ വടംവലി മത്സരത്തിനാണ് നെല്ലിമറ്റം ആദിത്യം വഹിച്ചത്. ജില്ലാ അസോസിയേഷന്റെ അംഗീകാരത്തിൽ കോഴിക്കോട്, പാലക്കാട് ഉൾപ്പെടെ ഏഴ് ജില്ലകളിൽ നിന്നായി ഇരുപത്തൊന്ന് മുൻ നിര ടീമുകളാണ് മത്സരത്തിനിറങ്ങിയത്. കൊറോണ മാനദണ്ഡങ്ങൾ പാലിച്ച് കാണികളെ ഒഴിവാക്കിയാണ് മത്സരം നടത്തിയത്. മത്സരത്തിന്റെ ഉദ്ഘാടനം പൗരസമിതി പ്രസിഡന്റ് നസീർ കെ.എൻ അദ്ധ്യക്ഷതയിൽ ആന്റണി ജോൺ എം.എൽ.എ.ഉദ്ഘാടനം ചെയ്തു.
സി.പി.എം.ഏരിയാ കമ്മറ്റി അംഗം ഷിബു പടപറമ്പത്ത്, സി.പി.ഐ. ലോക്കൽ സെക്രട്ടറി നൗഷാദ് ടി.എച്ച്, ജനതാദൾ (എൽ.ജെ.ഡി ) നിയോജകമണ്ഡലം പ്രസിഡന്റ് മനോജ് ഗോപി ,കോൺഗ്രസ് മണ്ഡലം ജനറൽ സെക്രട്ടറി വർഗ്ഗീസ് കൊന്നനാൽ, വാർഡ് മെമ്പർമാരായ ജലിൻ വർഗ്ഗീസ്, ടീനടിനു എന്നിവർ സംസാരിച്ചു. ജേതാക്കൾക്ക് പൗരസമിതി ജനറൽ സെക്രട്ടറി ആഷിക് അലിയാർ ട്രോഫികൾ വിതരണം ചെയ്തു.
