കോട്ടപ്പടി : കോട്ടപ്പടി ഗ്രാമപഞ്ചായത്ത് കാര്യാലയത്തിലേയ്ക്ക് ഡ്രൈവർ കം ഓഫീസ് അറ്റൻഡന്റ് തസ്തികയിൽ ദിവസവേതനാടിസ്ഥാനത്തിൽ ഒരു വർഷത്തേയ്ക്ക് സേവനമനുഷ്ഠിക്കുന്നതിന് നിശ്ചിത യോഗ്യതയുള്ള ഉദ്യോഗാർത്ഥികളിൽ നിന്നും താൽക്കാലികാടിസ്ഥാനത്തിൽ അപേക്ഷ ക്ഷണിയ്ക്കുന്നു. നിയമനം അപേക്ഷകർ കോട്ടപ്പടി ഗ്രാമപഞ്ചായത്ത് നിവാസികളായിരിക്കണം.

വിദ്യാഭ്യാസ യോഗ്യത:
ഡ്രൈവിംഗ് ലൈസൻസ് വിത്ത് ബാഡ്ജ് എസ്.എസ്.എൽ.സി/തത്തുല്യ യോഗ്യത

താൽപ്പര്യമുള്ള ഉദ്യോഗാർത്ഥികൾ ബന്ധപ്പെട്ട രേഖകളുടെ സാക്ഷ്യപ്പെടുത്തിയ പകർപ്പുകൾ സഹിതം 01/10/2022 തീയതി വൈകീട്ട് 3 മണിയ്ക്കുകം കോട്ടപ്പടി ഗ്രാമപഞ്ചായത്ത് കാര്യാലയത്തിൽ നേരിട്ട് അപേക്ഷ സമർപ്പിക്കേണ്ടതാണ്. തിരഞ്ഞെടുക്കപ്പെടുന്നവർക്ക് സർക്കാർ നിർദ്ദേശിക്കുന്ന മാനദണ്ഡങ്ങൾക്കനുസരിച്ച് ശമ്പളം അനുവദിക്കുന്നതാണ്. കൂടുതൽ വിവരങ്ങൾക്കായി പ്രവൃത്തി സമയത്ത് ഗ്രാമപഞ്ചായത്ത് കാര്യാലയവുമായി ബന്ധപ്പെടാവുന്നതാണ്.

കോതമംഗലം : കോതമംഗലത്ത് വിവിധ സ്ഥലങ്ങളിൽ പൊലീസ് മിന്നൽ പരിശോധനയിൽ അനധികൃത മണ്ണ് എടുപ്പ് സംഘങ്ങളുടെ നിരവധി വാഹനങ്ങൾ പിടിയിൽ. ഭൂതത്താൻകെട്ട് , കീരമ്പാറ മേഖലകളിൽ
അനധികൃത മണ്ണ് ഖനനം നടത്തിയ അഞ്ച് വാഹനങ്ങൾ പൊലീസ് പിടികൂടി. രണ്ട് ജെ സി ബി യും മൂന്ന് ടിപ്പറുകളും എസ് എച്ച് ഓ അനിഷ് ജോയിയുടെ നേത്യത്വത്തിലുള്ള പൊലീസ് സംഘവും കസ്റ്റഡിയിലെടുത്തത്.
കഴിഞ്ഞ ദിവസം നെല്ലിക്കുഴിയിൽ നിന്നും പൊലീസ് വാഹനങ്ങൾ പിടികൂടിയിരുന്നു.

കോതമംഗലം : പങ്കാളിത്ത പെൻഷൻ പദ്ധതി പിൻവലിക്ക ണമെന്നാവശ്യപ്പെട്ട് ജോയിന്റ് കൗൺസിൽ ഒക്ടോബർ 26 ന് നടത്തുന്ന സെക്രട്ടറിയേറ്റ് മാർച്ചിന് മുന്നോടിയായി കോതമംഗലത്ത് മേഖലാ കൺവൻഷൻ നടത്തി. മേഖലാ പ്രസിഡന്റ് വി കെ ചിത്ര അദ്ധ്യക്ഷത വഹിച്ചു.
കൺവൻഷൻ സംസ്ഥാന കമ്മിറ്റിയംഗം എ ജെ അച്ചൻ കുഞ്ഞ് ഉദ്ഘാടനം ചെയ്തു. സംസ്ഥാന കമ്മിറ്റിയംഗം എസ് കെ എം ബഷീർ, സമരസമിതി കൺവീനർ വി കെ ജിൻസ്, ജില്ലാ ജോയിന്റ് സെകട്ടറി അബു സി രഞ്ജി , ജില്ലാ കമ്മിറ്റിയംഗങ്ങളായ ജോൺസൺ പോൾ, റ്റി എസ് ജുനൈദ്, മേഖല സെക്രട്ടറി അനിൽകുമാർ കെ എൻ, ട്രഷറർ ബിനീഷ്. പി എൻ എന്നിവർ പ്രസംഗിച്ചു.

പടം : ജോയിന്റ് കൗൺസിൽ കോതമംഗലം മേഖലാ കൺവൻഷൻ സംസ്ഥാന കമ്മിറ്റിയംഗം എ ജെ അച്ചൻ കുഞ്ഞ് ഉദ്ഘാടനം ചെയ്യുന്നു.