കോതമംഗലം: കോതമംഗലത്തെ മോഡേണ് ക്രിമറ്റോറിയം നിര്മ്മാണം വേഗത്തില് പൂര്ത്തീകരിക്കാന് ആവശ്യമായ നടപടികള് സ്വീകരിച്ചിട്ടുണ്ടെന്ന് തദ്ദേശ സ്വയം ഭരണ വകുപ്പ് മന്ത്രി എം ബി രാജേഷ് നിയമസഭയില് അറിയിച്ചു.കിഫ്ബി ഫണ്ട് വിനിയോഗിച്ച് നിര്മ്മിക്കുന്ന കോതമംഗലത്തിന്റെ മോഡേണ് ക്രിമറ്റോറിയത്തിന്റെ നിര്മ്മാണവുമായി ബന്ധപ്പെട്ട നിലവിലെ സാഹചര്യത്തെ സംബന്ധിച്ചും, ശേഷിക്കുന്ന പ്രവര്ത്തികള് വേഗത്തില് പൂര്ത്തീകരിക്കണമെന്നും ആവശ്യപ്പെട്ടുകൊണ്ടുള്ള ആന്റണി ജോണ് എംഎല്എയുടെ നിയമസഭാ ചോദ്യത്തിന് മറുപടിയായിട്ടാണ് മന്ത്രി ഇക്കാര്യം സഭയില് വ്യക്തമാക്കിയത്.
കോതമംഗലം നഗരസഭയില് കിഫ്ബി ഫണ്ട് ഉപയോഗിച്ച് നിര്മ്മിക്കുന്ന മോഡേണ് ക്രിമറ്റോറിയത്തിന്റെ നിര്മ്മാണം പുരോഗമിച്ചു വരികയാണ്. നിലവില് ബേസ്മെന്റിന്റെ സ്ട്രക്ചറല് വര്ക്ക് പൂര്ത്തീകരിച്ചിട്ടുണ്ട്. ഗ്രൗണ്ട്ഫ്ലോറിന്റെ മേല്ക്കൂര കോണ്ക്രീറ്റ് ചെയ്യുന്നതിനുള്ള നടപടികള് സ്വീകരിച്ചു വരുന്നു. ട്രസ് വര്ക്ക്, ചിമ്മിനി & ഫര്ണസ് ഇവ സ്ഥാപിക്കല്, അഡ്മിന് ബ്ലോക്ക്, ടാങ്കുകള് എന്നിവയുടെ പ്രവൃത്തി പൂര്ത്തീകരിക്കാനുണ്ട്. ടി പദ്ധതി എത്രയും പെട്ടെന്ന് പൂര്ത്തീകരിക്കുന്നതിനാവശ്യമായ നടപടികള് സ്വീകരിച്ചിട്ടുണ്ടെന്ന് മന്ത്രി എം ബി രാജേഷ് നിയമസഭയില് അറിയിച്ചു.
