കോതമംഗലം: കോതമംഗലം മണ്ഡലത്തിൽ വാരപ്പെട്ടിയിലും, നെല്ലിക്കുഴിയിലും മത്സ്യ ഫെഡിൻ്റെ ഹൈടെക് ഫിഷ്മാർട്ടുകൾ പ്രവർത്തനം ആരംഭിച്ചു.വാരപ്പെട്ടി സർവ്വീസ് സഹകരണ ബാങ്കിൻ്റെ നേതൃത്വത്തിൽ വാരപ്പെട്ടിയിലും,കുറ്റിലഞ്ഞി സർവീസ് സഹകരണ ബാങ്കിൻ്റെ നേതൃത്വത്തിൽ നെല്ലിക്കുഴിയിലുമാണ് ഹൈടെക് ഫിഷ്മാർട്ടുകൾ ആരംഭിച്ചത്.
2 ഫിഷ് മാർട്ടുകളുടേയും ഉദ്ഘാടനം നാടമുറിച്ച് ആൻ്റണി ജോൺ എം എൽ എ നിർവ്വഹിച്ചു.ബ്ലോക്ക് പഞ്ചായത്ത് പ്രസിഡൻ്റ് റഷീദ സലീം അദ്ധ്യക്ഷത വഹിച്ചു.
വാരപ്പെട്ടി സർവ്വീസ് സഹകരണ ബാങ്ക് പ്രസിഡൻ്റ് എം ജി രാമകൃഷ്ണൻ,കുറ്റിലഞ്ഞി സർവ്വീസ് സഹകരണ ബാങ്ക് പ്രസിഡൻ്റ് റ്റി എം അബ്ദുൾ അസീസ്,വാരപ്പെട്ടി പഞ്ചായത്ത് പ്രസിഡൻ്റ് നിർമ്മല മോഹനൻ,പഞ്ചായത്ത് വൈസ് പ്രസിഡൻ്റ് എ എസ് ബാലകൃഷ്ണൻ, ജില്ലാ പഞ്ചായത്ത് മെമ്പർ കെ എം പരീത്,നെല്ലിക്കുഴി പഞ്ചായത്ത് വൈസ് പ്രസിഡൻ്റ് എ ആർ വിനയൻ എന്നിവർ ഉദ്ഘാടന ചടങ്ങുകളിൽ പങ്കെടുത്തു.
