കോതമംഗലം: കേരള കോണ്ഗ്രസ് കോതമംഗലം നിയോജക മണ്ഡലം കമ്മിറ്റിയുടെ ആഭിമുഖ്യത്തില് ഷിബു തെക്കുംപുറം എംഎല്എയ്ക്ക് സ്വീകരണം നല്കി. മുന് കേന്ദ്ര മന്ത്രി പി.സി. തോമസ് സ്വീകരണ സമ്മേളനം ഉദ്ഘാടനം ചെയ്തു. കോതമംഗലം നിയോജക മണ്ഡലം സംസ്ഥാനത്ത് വികസനത്തില് ഒന്നാമതെത്തുമെന്ന് പി.സി. തോമസ് പറഞ്ഞു. കഴിഞ്ഞ പത്ത് വര്ഷം കോതമംഗലത്ത് സംഭവിച്ച വികസനമുരടിപ്പ് വന്യമൃഗ ശല്യം, മൂന്നാര് രാജപാത, ഇന്റര്നാഷണല് സ്റ്റേഡിയം, തങ്കളം – കാക്കനാട് നാലുവരി പാത, കോഴിപ്പിള്ളി ബൈപാസ് തുടങ്ങിയവ പൂര്ത്തിയാക്കാന് ശ്രമം ആരംഭിച്ചതായി സ്വീകരണത്തിന് മറുപടി പ്രസംഗത്തില് ഷിബു തെക്കുംപുറം അറിയിച്ചു.
വികസനത്തില് കോതമംഗലം മുന്നേറാന് എല്ലാവരുടെയും സഹകരണവും പിന്തുണയും ഉണ്ടാകണമെന്നും എംഎല്എ ആവശ്യപ്പെട്ടു. നിയോജക മണ്ഡലം പ്രസിഡന്റ് എ.ടി. പൗലോസ് അധ്യക്ഷത വഹിച്ചു. സംസ്ഥാന വൈസ് ചെയര്മാന് അഹമ്മദ് തോട്ടത്തില്, സംസ്ഥാന സെക്രട്ടറിമാരായ ജോമി തെക്കേക്കര, ബാബു പോള്, റാണിക്കുട്ടി ജോര്ജ്, റോയി സ്കറിയ, സി.കെ. സത്യന് തുടങ്ങിയവര് പ്രസംഗിച്ചു.
