കോതമംഗലം: യുഡിഎഫ് സർക്കാർ തുടക്കം കുറിച്ച ചേലാട് അന്താരാഷ്ട്ര സ്റ്റേഡിയം പദ്ധതി സർക്കാർ അട്ടിമറിച്ചെന്ന് കേരള കോൺഗ്രസ് ജില്ലാ പ്രസിഡണ്ട് ഷിബു തെക്കുംപുറം ആരോപിച്ചു. എംഎൽഎയുടെ അനാസ്ഥയാണ് യുഡിഎഫിന്റെ സ്വപ്ന പദ്ധതിയായ സ്റ്റേഡിയ നിർമ്മാണം തടസ്സപ്പെടാൻ കാരണം.
കോതമംഗലത്തിന് ഒരു അന്താരാഷ്ട്ര സ്റ്റേഡിയം എന്ന ആവശ്യവുമായി കേരള കോൺഗ്രസ് ജില്ലാ കമ്മിറ്റിയുടെ ആഭിമുഖ്യത്തിൽ പ്രൈവറ്റ് ബസ് സ്റ്റാൻഡിൽ ഫുട്ബോൾ കളിച്ചുകൊണ്ട് നടത്തിയ പ്രതിഷേധം ഉദ്ഘാടനം ചെയ്യുകയായിരുന്നു അദ്ദേഹം.
യൂത്ത് ഫ്രണ്ട് ജില്ലാ പ്രസിഡന്റ് ജോഷ്വാ തായങ്കേരിയുടെ അധ്യക്ഷതയിൽ നടത്തിയ സമരത്തിൽ എ. ടി .പൗലോസ് , ജോമി തെക്കേക്കര, റോയി സ്കറിയ, സി. കെ. സത്യൻ, മാത്യു പുല്ലാട്ടേൽ, ബിജേഷ് പോൾ, ജോസ് കുര്യാക്കോസ്, ജേക്കബ് തോമസ് ,ലെവിൻ ചുള്ളിയാടൻ , ജെറിൻ മാറാടി, അഡ്വ. കിരൺ, മാത്യൂസ് ഔസേപ്പ്, ജോസ് മൂവാറ്റുപുഴ, ആദിത്യൻ കുട്ടൻ എന്നിവർ സന്നിഹതരായിരുന്നു.
