കോതമംഗലം ; സംസ്ഥാനത്തെ മികച്ച പ്രതിഭകളായ ആയിരം വിദ്യാര്‍ത്ഥികള്‍ക്ക് മുഖ്യമന്ത്രിപ്രഖ്യാപിച്ച പ്രതിഭ പുരസ്ക്കാരത്തിന് നെല്ലിക്കുഴി സ്വദേശി അര്‍ഹനായി.
നെല്ലിക്കുഴി 8ാം വാര്‍ഡ് സ്വദേശി ആന്‍റണി ജെയിസണ്‍ ആണ് പുരസ്കാര ജേതാവ് .
ഒരു ലക്ഷം രൂപയും, പ്രശസ്തിപത്രവും അടങ്ങിയ പുരസ്കാരം മുഖ്യമന്ത്രിയില്‍ നിന്ന് ഏറ്റ് വാങ്ങി.
നെല്ലിക്കുഴി ഗ്രാമപഞ്ചായത്ത് 8ാം വാര്‍ഡിലെ തൊണ്ടിയില്‍ ജെയിസന്‍റേയും ലിസിയുടെ മകനാണ് ആന്‍റണി. തിരുവനന്തപുരം ഗോകുലം മെഡിക്കല്‍ കോളേജ് എം ബി ബി എസ് ഫൈനല്‍ വിദ്യാര്‍ത്ഥിയാണ്. ആന്‍റണി പുരസ്കാര ജേതാവായതോടെ നേരിട്ടും സോഷ്യല്‍ മീഡിയയിലൂടെയും അഭിനന്ദന പ്രവാഹമാണിപ്പോള്‍.
