കോതമംഗലം : ഗിന്നസ് റെക്കോർഡിലേക്ക് നീന്തി കയറാനായി കൊച്ചു മിടുക്കി ജുവൽ മറിയം ബേസിൽ.കോതമംഗലം കറുകടം സ്വദേശിയായ ബേസിൽ കെ വർഗീസിന്റെയും അഞ്ജലി ബേസിലിന്റെയും മകൾ ഏഴ് വയസുകാരി ജുവൽ ബേസിൽ ഗിന്നസ് റെക്കോർഡിലേക്ക് നീന്തി കയറാൻ തയ്യാറെടുക്കുന്നു.ജനുവരി മാസം എട്ടാം തിയ്യതിയാണ് ജുവൽ വേമ്പനാട്ടു കായലിനു കുറുകെ നീന്താൻ തീരുമാനിച്ചിട്ടുള്ളത്. ഇതിനു മുന്നോടിയായി കോതമംഗലം എം എ കോളേജിലെ സ്വിമ്മിംഗ് പൂളിൽ പ്രദർശന നീന്തൽ നടത്തി. ആന്റണി ജോൺ എം എൽ എ,അസോസിയേഷൻ സെക്രട്ടറി ഡോക്ടർ വിന്നി വർഗീസ്,പരിശീലകൻ ബിജു തങ്കപ്പൻ,അനന്ത ദർശൻ,ജുവലിന്റെ രക്ഷിതാക്കൾ,ബന്ധുമിത്രാദികൾ,സുഹൃത്തുകൾ,മാധ്യമ പ്രവർത്തകർ എന്നിവർ സന്നിഹിതരായിരുന്നു.
