കോതമംഗലം: കീരംപാറ പഞ്ചായത്തിലെ സെന്റ് തോമസ് എൽ പി, യു പി സ്കൂളുകളിൽ എംഎൽഎയുടെ പ്രാദേശിക വികസന ഫണ്ട് 5 ലക്ഷം രൂപ ഉപയോഗിച്ച് നിർമ്മിച്ച ടോയ്ലറ്റ് കോംപ്ലക്സുകളുടെ ഉദ്ഘാടനം ആന്റണി ജോൺ എംഎൽഎ നിർവ്വഹിച്ചു. സ്കൂൾ അധികൃതരുടെയും പി റ്റി എയുടെയും ദീർഘനാളായുള്ള ആവശ്യമായിരുന്നു പ്രസ്തുത സ്കൂളുകളിൽ ആധുനിക രീതിയിലുള്ള ടോയ്ലറ്റ് കോംപ്ലക്സ് നിർമ്മിക്കണമെന്നുള്ളത്. ഇതാണ് ഇപ്പോൾ പൂർത്തീകരിച്ചത്. സ്കൂൾ മാനേജർ റവ. ഫാദർ ജോൺ ഓണേലിൽ അധ്യക്ഷ പ്രസംഗം നടത്തി. ഹെഡ്മിസ്ട്രസ് ഷീല റ്റി എ സ്വാഗതം പറഞ്ഞു.
പഞ്ചായത്ത് വൈസ് പ്രസിഡന്റ് ബീന ജോഷി, വികസനകാര്യ സ്റ്റാന്റിംഗ് കമ്മിറ്റി ചെയർമാൻ ബിനോയ് സി പുല്ലൻ, വാർഡ് മെമ്പർ ബിജി ജോണി,പി ടിഎ പ്രസിഡന്റുമാരായ രാജു എം എ, ഷാജി ജോസഫ് എന്നിവർ ആശംസാ പ്രസംഗം നടത്തി. ഷാജി ജോർജ് കൃതജ്ഞത പറഞ്ഞു.
You must be logged in to post a comment Login