കീരംപാറ : വടാട്ടുപാറയിൽ നടന്ന കല്യാണത്തിൽ പങ്കെടുത്തു മടങ്ങുകയായിരുന്ന അങ്കമാലി അയ്യമ്പുഴ സ്വദേശികളുടെ കാർ നിയന്ത്രണം നഷ്ടപ്പെട്ട് തലകീഴായി മറിഞ്ഞു. കാർ ആദ്യം ഒരു ഓട്ടോയിൽ ഇടിക്കുകയും അവിടെ നിന്ന് തിടുക്കത്തിൽ കാർ ഓടിച്ചു പോകുമ്പോൾ ആയിരുന്നു മാറ്റ് നാല് ബൈക്കുകളിൽ കൂടി കാർ ഇടിക്കുന്നത് എന്ന് നാട്ടുകാർ പറയുന്നു.
പിന്നീട് നിയന്ത്രണം നഷ്ടപ്പെട്ട കാർ പോസ്റ്റിൽ ഇടിച്ചു തലകീഴായി മറിയുകയായിരുന്നു. കാറിൽ ഉണ്ടായിരുന്ന കുടുംബത്തിലെ രണ്ട് കുട്ടികൾക്കും പരിക്കുകൾ പറ്റിയിട്ടുണ്ട്.
അപകടത്തിൽ ഉൾപ്പെട്ട ബൈക്കുകാരെയും കാറിലുള്ളവരെയും കോതമംഗലത്തെ ആശുപത്രിയിൽ പ്രവേശിപ്പിച്ചു. പോലീസ് , ഫയർ ഫോഴ്‌സ് ഉദ്യോഗസ്ഥർ എത്തി രക്ഷാപ്രവർത്തനത്തിന് നേത്രത്വം നൽകി.
You must be logged in to post a comment Login