കോതമംഗലം : ഭര്‍ത്താവിനൊപ്പം സ്കൂട്ടറില്‍ സഞ്ചരിക്കെവെ റോഡില്‍ വീണ് പരിക്കേറ്റ വീട്ടമ്മ മരിച്ചു.കോതമംഗലം കോഴിപ്പിള്ളി പാറേക്കാട്ട് ദേവരാജന്‍റെ ഭാര്യ സുധ (60) ആണ് മരിച്ചത്. കീരമ്പാറ പഞ്ചായത്തിലെ വെളിയേല്‍ച്ചാലില്‍ ഞായറാഴ്ച വൈകുന്നേരമാണ് അപകടമുണ്ടായത്. സ്കൂട്ടര് റോഡിലെ ഹമ്പില്‍ കയറിയപ്പോഴാണ് സുധ റോഡിലേക്ക് തെറിച്ചുവീണത്. ഗുരുതര പരിക്കേറ്റ സുധ ആലുവയില്‍ സ്വകാര്യ ആശുപത്രിയില്‍ ചികിത്സയിലിരിക്കെ ഇന്നലെ വൈകുന്നേരമാണ് മരിച്ചത്. പോസ്റ്റുമോര്‍ട്ടത്തിന് ശേഷം ഇന്ന് ഉച്ചകഴിഞ്ഞ് 2 ന് വീട്ടുവളപ്പില്‍ സംസ്കരിക്കും. സുധ കല്ലൂര്‍ക്കാട് മങ്കുത്തേല്‍ കുടുബാഗമാണ്.മകന്‍: അജയ്, മരുമകള്‍ : ശ്രുതി വരകില്‍ മാമലകണ്ടം.
