മാലിന്യമുക്തം നവകേരളം ക്യാമ്പയിൻ നടന്നു

കോതമംഗലം : വാരപ്പെട്ടി ഗ്രാമപഞ്ചായത്തിൽ മാലിന്യമുക്തം നവകേരളം മൂന്നാംഘട്ടത്തിലെ “ഹരിതകര്‍മ്മസേനക്കൊപ്പം നമ്മളും’ എന്ന കാമ്പെയിന്റെ ഭാഗമായി ഭവനസന്ദര്‍ശനം നടത്തി.കോഴിപ്പിള്ളി ലൈബ്രറിപടിയില്‍ വച്ച് നടന്ന യജ്ഞം ആന്റണി ജോണ്‍ എം.എല്‍.എ. ഉദ്ഘാടനം ചെയ്തു.

ചടങ്ങില്‍ ഗ്രാമപഞ്ചായത്ത്‌ പ്രസിഡന്റ്‌ പി.കെ.ചന്ദ്രശേഖരന്‍ നായർ അദ്ധ്യക്ഷത വഹിച്ചു.പഞ്ചായത്ത്‌ സെക്രട്ടറി എം.എം.ഷംസുദ്ദീന്‍, ഗ്രാമപഞ്ചായത്ത്‌ ജനപ്രതിനിധികൾ, ഉദ്യോഗസ്ഥര്‍, ഹരിതകര്‍മ്മസേന അംഗങ്ങള്‍ അടക്കമുളളവര്‍ ഭവനസന്ദര്‍ശനത്തിൽ പങ്കാളികളായി.