കൊറോണ ഭീതി: ഭൂതത്താൻകെട്ടിൽ സന്ദര്‍ശകര്‍ക്ക് വിലക്ക്

കോതമംഗലം : സംസ്ഥാനത്ത് കൊറോണ വൈറസ് വ്യാപനം തടയുന്നതിന്റെ ഭാഗമായുള്ള നിയന്ത്രണങ്ങള്‍ വിപുലമാക്കുന്നു. പൊതുജനങ്ങള്‍ കൂട്ടം കൂടി നില്‍ക്കാന്‍ ഇടയുള്ള സാഹചര്യങ്ങള്‍ ഒഴിവാക്കണമെന്ന സംസ്ഥാന സര്‍ക്കാരിന്റെ ജാഗ്രതാ നിര്‍ദേശത്തിന്റെ ചുവടുപിടിച്ച് ഭൂതത്താന്കെട്ടിൽ നിയന്ത്രണം ഏര്‍പ്പെടുത്തി സര്‍ക്കുലര്‍ പുറത്തിറക്കി.

മുന്‍കരുതലിന്റെ ഭാഗമായി ഭൂതത്താൻകെട്ട് ഡാമിലെ ബോട്ട് സവാരിയും അനിശ്ചിതകാലത്തേയ്ക്ക് വിലക്കേര്‍പ്പെടുത്തി. ജനങ്ങള്‍ കൂട്ടംകൂടുന്ന സാഹചര്യം ഒഴിവാക്കാന്‍ വേണ്ടിയാണ് നിയന്ത്രണം.