കോതമംഗലം: ഹർത്താൽ ദിനത്തിൽ കെഎസ്ആർടിസി ബസ് സർവീസ് മുടക്കിയ ഡ്രൈവർ എൻ.സി. പ്രദീപിനെതിരെ നടപടിക്ക് എടിഒ മേലധികാരികൾക്കു ശുപാർശ നൽകി. കോതമംഗലം ഡിപ്പോയിൽ നിന്നു രാവിലെ 6.50നു പാലക്കാടിനുള്ള സർവീസാണു മുടക്കിയത്.
സർവീസിനു നൽകിയ ബസ് ഇഷ്ടപ്പെടാത്തതിനാലാണു ഡ്രൈവർ പോകാൻ തയാറാകാതിരുന്നത്. ഇതോടെ യാത്രക്കാർ പെരുവഴിയിലായി. പതിവായി സർവീസ് പോകുന്ന ഷട്ടർ ഘടിപ്പിച്ച ബസ് മാറ്റി ഗ്ലാസ് ഘടിപ്പിച്ച ബസ് നൽകിയതാണു ഡ്രൈവറെ പ്രകോപിപ്പിച്ചതെന്നു പറയുന്നു.


















































