കോതമംഗലം: സുഹൃത്തായ യുവതിയില്നിന്ന് സ്വര്ണവും പണവും വാങ്ങി കബളിപ്പിച്ച യുവാവ് അറസ്റ്റില്. പായിപ്ര മരങ്ങാട്ട് താമസിക്കുന്ന കോതമംഗലം പുതുപ്പാടി മീമനാല് ഷാലുവിനെയാണ് (35) കാലടി പോലീസ് അറസ്റ്റ് ചെയ്തത്. കളവുപറഞ്ഞ് പലതവണകളായി 60 പവന്റെ സ്വര്ണാഭരണങ്ങളും 12 ലക്ഷത്തോളം രൂപയും ഇയാള് യുവതിയില്നിന്ന് വാങ്ങുകയായിരുന്നു.
സ്വര്ണം കോതമംഗലം, പെരുമ്പാവൂര് എന്നിവിടങ്ങളിലെ സ്ഥാപനങ്ങളില് പണയം വയ്ക്കുകയും വില്ക്കുകയും ചെയ്തു. ഈ പണം ബെറ്റിംഗ് ആപ്പുകളില് നിക്ഷേപിച്ചുവെന്ന് പ്രതി പോലീസിനോട് പറഞ്ഞു. കാലടി എസ്.എച്ച്.ഒ. ആര്ത്ഥി, ഇന്സ്പെക്ടര് ജയപ്രദീപ്, എസ്.ഐമാരായ നജീബ്, അജ്മല്, എ.എസ്.ഐ. ജിന്സണ്, സി.പി.ഒ. ധനേഷ് എന്നിവരാണ് അന്വേഷണ സംഘത്തില് ഉണ്ടായിരുന്നത്.
