മൂവാറ്റുപുഴ: മൂവാറ്റുപുഴ കൂത്താട്ടുകുളം എംസി റോഡില് ബൈക്കും, പിക്കപ്പ് വാനും കൂട്ടിയിടിച്ചുണ്ടായ അപകടത്തില് ബൈക്ക് യാത്രക്കാരനായ യുവാവിന് ദാരുണാന്ത്യം. മൂവാറ്റുപുഴ മഹാറാണി ഹോട്ടല് ജീവനക്കാരനായ ഈസ്റ്റ്മാറാടി മണ്ഡനാക്കര ബിനു (48) എം വര്ഗ്ഗീസ് ആണ് മരിച്ചത്. ചൊവ്വാഴ്ച രാവിലെ 6.30 ഓടെ മൂവാറ്റുപുഴ കൂത്താട്ടുകുളം എംസി റോഡില് ഉന്നക്കുപ്പ വളവിലാണ് അപകടമുണ്ടായത്.
കൂത്താട്ടുകുളം ഭാഗത്ത് നിന്നും മൂവാറ്റുപുഴ ഭാഗത്തേക്ക് വരികയായിരുന്ന ബിനു സഞ്ചരിച്ച ബൈക്കും എതിര്ദിശയില് വരികയായിരുന്ന പിക്കപ്പ് വാനും തമ്മില് കൂട്ടിയിടിക്കുകയായിരുന്നു. അപകടത്തില് ഗുരുതരമായി പരിക്കേറ്റ ബിനുവിനെ മൂവാറ്റുപുഴയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംസ്കാരം ബുധനാഴച 10ന് മാറാടി കുരുക്കുന്ന പുരം സെന്റ് മേരീസ് യാക്കോബായ സുറിയാനി പള്ളിയില്. ഭാര്യ ചിന്നു . സഹോദരങ്ങള്: സ്കറിയ , സൂസി , മേരി, മിനി
