മൂവാറ്റുപുഴ: എല്‍ദോ എബ്രഹാം എം.എല്‍.എയുടെ ഓഫീസ് കോമ്പോണ്ടില്‍ കൃഷി വകുപ്പിന്റെ നേതൃത്വത്തില്‍ പ്രദര്‍ശന കൃഷിയുടെ വിളവെടുപ്പ് എല്‍ദോ എബ്രഹാം എം.എല്‍.എ നിര്‍വ്വഹിച്ചു. കഷി അസിസ്റ്റന്റ് ഡയറക്ടര്‍ ടാനി തോമസ് അധ്യക്ഷത വഹിച്ചു. നിയമസഭാ സമാജികരുടെ ഓഫീസുകളിലും വീടുകളിലും കൃഷി വകുപ്പിന്റെ നേതൃത്വത്തില്‍ നടക്കുന്ന പ്രദര്‍ശന കൃഷിയുടെ ഭാഗമായിട്ടാണ് എല്‍ദോ എബ്രഹാം എം.എല്‍.എയുടെ ഓഫീസ് കോമ്പോണ്ടിലും കൃഷി ഇറക്കിയത്.
വെണ്ട, കോളിഫ്‌ളവര്‍, പയറ്, വഴുതന, പാവല്‍ അടക്കമുള്ള കൃഷിയാണ് ചെയ്തിരുന്നത്. ഓഫീസിലെത്തുന്ന പൊതുജനങ്ങള്‍ അടക്കമുള്ള സന്ദര്‍ശകര്‍ക്ക് കൃഷിയെ കുറിച്ച് അവബോധം വളര്‍ത്തുന്നതിനാണ് കൃഷി വകുപ്പിന്റെ ആഭിമുഖ്യത്തില്‍ പച്ചക്കറി കൃഷി ആരംഭിച്ചത്. കൃഷി വകുപ്പ് ഉദ്യോഗസ്ഥര്‍ക്ക് ഒപ്പം ഓഫീസ് ജീവനക്കാരയ സനീഷ് കുമാര്‍, എയ്ഞ്ചല്‍ എന്നിവരുടെ പരിചരണവും കൃഷിയ്ക്ക് നൂറ്‌മേനി വിളവാണ് ലഭിച്ചത്.
