പല്ലാരിമംഗലം : മാവുടി ഫ്രണ്ട്സ് ലൈബ്രറിയിലെ ബാലവേദിയുടെ ആഭിമുഖ്യത്തിൽ ബാലോത്സവം സംഘടിപ്പിച്ചു. മാവുടി സ്കൂൾ ഹാളിൽനടന്ന ബാലോത്സവം ഗ്രാമപഞ്ചായത്ത് പ്രസിഡന്റ് പി കെ മൊയ്തു ഉദ്ഘാടനം ചെയ്തു. കേരള ലളിതകലാ അക്കാദമി ഭരണസമിതിയിലേക്ക് നോമിനേറ്റ് ചെയ്യപ്പെട്ട കോതമംഗലം താലൂക്ക് ലൈബ്രററി കൗൺസിൽ പ്രസിഡൻറും, ചിത്രകാരനുമായ മനോജ് നാരായണനെ ബ്ലോക്ക്പഞ്ചായത്തംഗം
ഒ ഇ അബ്ബാസ് ചടങ്ങിൽ ആദരിച്ചു.
ലൈബ്രററി പ്രസിഡന്റ് എം പി പ്രദീപ്കുമാർ അദ്ധ്യക്ഷത വഹിച്ചു. ഗ്രാമപഞ്ചായത്തംഗം
ടി എം അമീൻ, ലൈബ്രറേറിയൻ മെബി രജ്ഞിത് എന്നിവർ പ്രസംഗിച്ചു. ലൈബ്രററി ജോയിന്റ് സെക്രട്ടറി എൽദോസ് വർഗ്ഗീസ് സ്വാഗതവും, സബിത പൊന്നപ്പൻ കൃതജ്ഞതയും പറഞ്ഞു. രാവിലെ മുതൽ കുട്ടികളുടെ കലാപരിപാടികളും ഉണ്ടായിരുന്നു.
You must be logged in to post a comment Login