കോതമംഗലം : വോട്ട് കൊള്ളയ്ക്ക് നേതൃത്വം നൽകി ഇന്ത്യയുടെ ജനാധിപത്യമൂല്യങ്ങളെ കാറ്റിൽ പറത്തിയ മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവച്ച് ഇന്ത്യയിലെ ജനങ്ങളോട് മാപ്പ് പറയണമെന്ന് കേരള സ്റ്റേറ്റ് സർവീസ് പെൻഷനേഴ്‌സ് അസോസിയേഷൻ കോതമംഗലം നിയോജകമണ്ഡലം സമ്മേളനം ആവശ്യപ്പെട്ടു.കൂടെയുള്ള രണ്ട് തെരഞ്ഞെടുപ്പ് കമ്മീഷണർമാർ 14 വിയോജനക്കുറിപ്പുകൾ നൽകിയിട്ടും അതൊന്നും മുഖവിലയ്ക്കെടുക്കാതെ ഏകപക്ഷീയമായ നടപടികളാണ് മുഖ്യ തിരഞ്ഞെടുപ്പ് കമ്മീഷണർ സ്വീകരിച്ചത്. ഭരണഘടനാ മൂല്യങ്ങൾ സംരക്ഷിക്കാൻ ഒറ്റക്കെട്ടായി മുന്നിട്ടിറങ്ങേണ്ട സമയമാണിതെന്ന് യോഗം മുന്നറിയിപ്പു നൽകി.
വരുന്ന ജനുവരി 17,18, 19 തീയതികളിൽ കളമശ്ശേരിയിൽ നടക്കുന്ന 42 -ാം സംസ്ഥാന സമ്മേളനത്തിന്റെ മുന്നൊരുക്കവുമായി ബന്ധപ്പെട്ടാണ് നിയോജകമണ്ഡലം സമ്മേളനം നടത്തിയത്. സംസ്ഥാന ട്രഷറർ കെ.വി. മുരളി ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് സിബി ജെ. അടപ്പൂർ അധ്യക്ഷത വഹിച്ചു. സംസ്ഥാന വനിതാ ഫോറം സെക്രട്ടറി ആലീസ് സ്കറിയ,സംസ്ഥാന സെക്രട്ടറിയേറ്റ് അംഗം പി.എം മൈതീൻ, സംസ്ഥാന കമ്മിറ്റി അംഗം കെ.സി ജോസ്,ജില്ലാ പ്രസിഡന്റ് സി.എ അലികുഞ്ഞ്,ജില്ലാ ജോയിന്റ് സെക്രട്ടറി ജിജി പോൾ, സംസ്ഥാന കൗൺസിലർ മാരായ ,കെ.എൽ ഷാജു,കെ. പി. അഷ്റഫ്,എ.ജെ ജോൺ, സാലുമോൻ സി. കുര്യൻ, വി.എ മുഹമ്മദ്,ടി. പി. പൗലോസ്, , എ . എം ജോണി,ടി.എസ് റഷീദ് , വി .വി മക്കാർ, ഇ.പി. ജോർജ്,കെ. കെ ഹുസൈൻ, ടി.സി.വിജയൻ നായർ, സജീവ് ജോസഫ്,ഡേവി ജോൺ,പി.ടി തമ്പി,കെ.എ ജോസഫ്,പി.എം മുഹമ്മദാലി, എം.എം മിനി,വി.കെ കാർത്യായനി, സെക്രട്ടറി പി.വി പൗലോസ്, മാർട്ടിൻ കീഴെ മാടൻ എന്നിവർ പ്രസംഗിച്ചു.
