കോതമംഗലം: തീർത്ഥാടന കേന്ദ്രമായ മാർ തോമ ചെറിയ പള്ളിയിൽ കന്നി 20 പെരുന്നാളിനോട് അനുബന്ധിച്ച് റവന്യൂ വകുപ്പിന്റെ എല്ലാ സർക്കാർ ഡിപ്പാർട്ട്മെന്റുകളെയും ഒരുമിപ്പിച്ചു ചെറിയ പള്ളിയുടെ കെട്ടിടത്തിൽ 24 മണിക്കൂറും തുറന്ന് പ്രവർത്തിക്കുന്ന കൺട്രോൾ റൂമിന്റെ ഉദ്ഘാടനം ഷിബു തെക്കുംപുറം എംഎൽഎ ഉദ്ഘാടനം നിർവഹിച്ചു.
പള്ളി വികാരി ഫാ. സാജു ജോർജ് കുരിക്കപ്പിള്ളി അധ്യക്ഷത വഹിച്ചു. നിർവ്വഹിച്ചു മുൻസിപ്പൽ ചെയർപേഴ്സൺ ഭാനുമതി രാജു, ബ്ലോക്ക് പഞ്ചായത്തു പ്രസിഡന്റ് ജെസ്സി സാജു,വാർഡ് കൗൺസിലർ ഷിബു കുര്യാക്കോസ്, തഹസിൽദാർ കെ. സ് സതീശൻ ., ഡെപ്യൂട്ടി തഹസിൽദാർമാരായ ബ്ലെസ്സി പി . അഗസ്റ്റിൻ, കെ. എം. സുബൈർ, റ്റി. എ നസീറ, വിവിധ സർക്കാർ വകുപ്പുകളുടെ പ്രധിനിധികൾ, പള്ളി സഹ വികാരിമാർ, തന്നാണ്ട് ട്രസ്റ്റിമാരായ ബേബി പാറേക്കര, ബിനോയ് മണ്ണഞ്ചേരി, വർക്കിംഗ് കമ്മിറ്റി അംഗങ്ങൾ, മാനേജിങ് കമ്മിറ്റി അംഗങ്ങൾ, ജന പ്രധിനിധികൾ എന്നിവർ പങ്കെടുത്തു.
ബുധനാഴ്ച രാവിലത്തെ വിശുദ്ധ അഞ്ചിന്മേൽ കുർബ്ബാനയ്ക്ക് പൗരസ്ത്യ സുവിശേഷ സമാജം മെത്രാപ്പോലീത്ത മർക്കോസ് മോർ ക്രിസോസ്റ്റമോസ് കാർമികത്വം വഹിക്കും. ഇടവക ജനങ്ങളും, സ്ഥാപനങ്ങളും, പ്രസ്ഥാനങ്ങളും നൽകുന്ന പെരുന്നാൾ നേർച്ച സദ്യക്കുള്ള ഉൽപ്പന്നങ്ങളുടെ സമർപ്പണ ഉദ്ഘാടനം കലവറ നിറക്കൽ വൈകീട്ട് 5ന് നടത്തും. 6 ന് സന്ധ്യാ നമസ്കാരം
