മൂവാറ്റുപുഴ: പോത്താനിക്കാട് പഞ്ചായത്തും കൃഷി ഭവനും ചേര്‍ന്നൊരുക്കുന്ന ഓണ സമൃദ്ധി ഓണ ചന്തയുടെ ഉദ്ഘാടനം നടത്തി. മാത്യു കുഴല്‍നാടന്‍ എംഎല്‍എ ഉദ്ഘാടനം നിര്‍വഹിച്ചു. ഓണക്കാലത്ത് പൊതു ജനങ്ങള്‍ക്ക് ന്യായമായ വിലയില്‍ പച്ചക്കറികളും കാര്‍ഷിക ഉത്പന്നങ്ങളും ഉറപ്പാക്കുന്നതിനാണ് സര്‍ക്കാര്‍ ഓണ സമൃദ്ധി പദ്ധതി നടപ്പിലാക്കുന്നതെന്ന് എംഎല്‍എ പറഞ്ഞു. കൃഷിഭവന്‍ ഹോര്‍ട്ടികോര്‍പ്പ്, വി.എഫ്.പി.സി.കെ എന്നിവയുടെ സഹകരണത്തോടെയാണ് ഓണ ചന്ത പ്രവര്‍ത്തിക്കുന്നത്.
പഞ്ചായത്ത് പ്രസിഡന്റ് കെപി ജെയിംസ് അധ്യക്ഷത വഹിച്ചു. ജില്ല പഞ്ചായത്ത് അംഗം ജോമി തെക്കേക്കര, ബ്ലോക്ക് പഞ്ചായത്ത് പ്രസിഡന്റ് ജെസി സാജു, പഞ്ചായത്ത് അംഗങ്ങളായ അനില്‍ എബ്രഹാം, വിന്‍സെന്റ് എബ്രഹാം, ജിജി അനീഷ്, സാബു വര്‍ഗീസ്, സീന സജി, എലന്‍ഷ്യ, മുന്‍ പഞ്ചായത്ത് പ്രസിഡന്റ് ജോസ് വര്‍ഗീസ്, കൃഷി ഓഫിസര്‍ പ്രിയദാസ് മാണി എന്നിവര്‍ പ്രസംഗിച്ചു.
