കോതമംഗലം: പുതുപ്പാടി ചിറപ്പടി ചിറയില് ബീഹാര് സ്വദേശി മുങ്ങിമരിച്ചു. റോഹ്ത്താസ് ജില്ലയിലെ ഗോസാല് ദിഹ് ജമുദാ ഗ്രാമത്തിലെ താനസൂര്യപുരയില് മുനിലാല് റാമിന്റെ മകന് ബിയാഫയെ റാമാ(50)ണ് മരിച്ചത്. ചൊവ്വാഴ്ച വൈകുന്നേരം 5.30 ഓടെയാണ് അപകടം.
വിസ്തൃതിയുള്ള ചിറയില് വട്ടം നീന്തുന്നതിനിടെ മധ്യഭാഗത്തെത്തിയപ്പോള് മുങ്ങിത്താഴുകയായിരുന്നുവെന്ന് പോലീസ് പറഞ്ഞു. അപകടം കണ്ടുനിന്ന സമീപ കോളേജിലെ വിദ്യാര്ത്ഥികളാണ് വിവരം നാട്ടുകാരെയും അഗ്നി രക്ഷാസേനയെയും അറിയിച്ചത്. അഗ്നി രക്ഷാസേന എത്തി 6.30ഓടെ മൃതദേഹം മുങ്ങിയെടുത്തു. പുതുപ്പാടി ഭാഗത്തെ സ്വകാര്യ പേപ്പര് മില്ലിലെ കരാര് തൊഴിലാളിയാണ്. മൃതദേഹം കോതമംഗലം താലൂക്ക് ആശുപത്രി മോര്ച്ചയില്.
