കോതമംഗലം: ഓവർലോഡ് കയറ്റിവന്ന തടിലോറി കയറ്റത്തിൽ നിയന്ത്രണം വിട്ട് പിന്നോട്ട് പോയി. തടി റോഡിൽ തട്ടി മുൻഭാഗം ഉയർന്നാണ് ലോറി നിന്നത്. .
കോതമംഗലം ടൗണില് ചൊവ്വാഴ്ച വൈകന്നേരം 5.30 ഓടെയാണ് അപകടം. നഗരസഭ കാര്യാലയത്തിന് മുന്നിലെ റോഡിലൂടെ ഫോറസ്റ്റ് തടി ഡിപ്പോയിലേക്ക് പോകുകയായിരുന്നു ലോറി. കയറ്റം കയറുമ്പോള് ലോറി നിയന്ത്രണംവിട്ട് പിന്നോട്ടിറങ്ങുകയായിരുന്നു. തിരക്കേറിയ പ്രധാന റോഡില് തടി കുത്തിയതോടെയാണ് ലോറി നിന്നത്. ലോറിയുടെ മുന്വശത്തെ ടയറുകൾ നിലത്ത് തൊടാതെ ഉയർന്ന് നിൽക്കുകയും ചെയ്തു.
റോഡിലൂടെ കടന്നുപോകുകയായിരുന്ന വാഹനങ്ങളിലോ,കാല്നടക്കാരിലോ തടിലോറി തട്ടാതിരുന്നതിനാലാണ് വലിയ അപകടം ഒഴിവായത്. പിന്നീട് ക്രെയിന്റെ സഹായത്തോടെ ലോറി സുരക്ഷിതമായി നീക്കി.
