കോതമംഗലം: മഴയും പ്രകൃതിയും സാഹസികതയും ഒരുമിച്ചുചേർന്ന കോതമംഗം മൺസൂൺ മാജിക് ഫെസ്റ്റിന് സമാപനം. സമാപന സമ്മേളനം മന്ത്രി അനൂപ് ജേക്കബ് ഉദ്ഘാടനം ചെയ്തു. ഷിബു തെക്കുംപുറം എംഎൽഎ അധ്യക്ഷതവഹിച്ചു.
ഡീൻ കുര്യാക്കോസ് എംപി മുഖ്യാതിഥിയായി. ബ്ലോക്ക് പഞ്ചായത്ത് പ്രസിഡന്റ് ജെസ്സി സാജു, പഞ്ചായത്ത് പ്രസിഡന്റുമാരായ മേരി കുര്യാക്കോസ്, പി. കെ. മൊയ്തു, ബിന്ദു ജോർജ്ജ്, വിവിധ യുഡിഎഫ് നേതാക്കളായ ഷമീർ പനക്കൻ, ബോബൻ ജേക്കബ്, എ. ടി. പൗലോസ്, ജോമി തെക്കേക്കര, മാത്യു ജോസഫ്, ഇ. എം. മൈക്കിൾ, ആന്റണി പാലക്കുഴി, റോയ് കെ. പൗലോസ്, ബാബു പോൾ, തദ്ദേശ സ്വയംഭരണ സ്ഥാപനങ്ങളിലെ മെമ്പർമാർ, ടൂറിസം മേഖലയുടെ പ്രതിനിധികളും പങ്കെടുത്തു.
മൺസൂൺ ഫെസ്റ്റിവലിനോട് അനുബന്ധിച്ച് നടത്തിയ റെയിൻ റീൽ മത്സരത്തിൽ മിഥുൻ കെ. മനോജ് ഒന്നാം സ്ഥാനവും അതുൽ ചന്ദ്രകുമാർ രണ്ടാം സ്ഥാനവും ഷെർലിൻ ജോസഫ് മൂന്നാം സ്ഥാനവും നേടി. ടിയാനാ ഗോൾഡ് ആൻഡ് ഡയമണ്ട്സ്, കെ. പി. വർക്കി ജ്വല്ലേഴ്സ്, ഹോംടെക് ബിൽഡേഴ്സ്, മൺകുടി റിസോർട്ട് ഞായപ്പിള്ളി എന്നിവരാണ് മത്സരത്തിലെ സമ്മാനങ്ങൾ സ്പോൺസർ ചെയ്തത്.
മഴക്കാലത്ത് കോതമംഗലത്തേക്ക് കൂടുതൽ വിനോദ സഞ്ചാരികളെ ആകർഷിക്കുന്നതിനും പ്രാദേശിക ടൂറിസം മേഖലയ്ക്ക് ഉണർവ് നൽകുന്നതിനും ലക്ഷ്യമിട്ടാണ് ഫെസ്റ്റിവൽ ഒരുക്കിയത്.
