കോതമംഗലം: വെറ്റിലപ്പാറയിലും എത്തി കപ്പക്കൊമ്പൻ നാശം വരുത്തി. പിണ്ടിമന പഞ്ചായത്തിലെ വെറ്റിലപ്പാറയില് മെയിന് റോഡിനോട് ചേര്ന്നുള്ള കപ്പ കൃഷിയാണ് കപ്പ കൊമ്പന് തി്ന്നും ചവിട്ടിമെതിച്ചും നശിപ്പിച്ചത്. പാറക്കല് സെയ്തുമുഹമ്മദിന്റേയും താഴത്തേക്കുടി ശങ്കരന്റേയും കപ്പ കൃഷിയിടത്തിലായിരുന്നു ഇന്നലെ കപ്പക്കൊമ്പൻ്റെ വിളയാട്ടം.
രണ്ടിടത്തുമായി അന്പത് മൂടോളം ചുവട് കപ്പ നശിപ്പിക്കപ്പെട്ടിട്ടുണ്ട്.വിളവെടുപ്പിന് പാകമായിരുന്നില്ല. പരിസരത്ത് വാഴ കൃഷിയും ആനക്കൂട്ടം നശിപ്പിച്ചുണ്ട്.പ്രധാനമായും കപ്പ കൃഷി ലക്ഷ്യമിടുന്ന കൊമ്പന് നാട്ടുകാര് നല്കിയിട്ടുുള്ള പേരാണ് കപ്പ കൊമ്പന്.
കഴിഞ്ഞ ദിവസങ്ങളിലെല്ലാം കോട്ടപ്പടി പഞ്ചായത്തിലെ വേട്ടാമ്പാറയിലും, വാവേലിയിലും കപ്പക്കൊമ്പൻ കപ്പകൃഷി നശിപ്പിച്ചിരുന്നു. കപ്പ കൃഷിയിടങ്ങളിൾ ഈ കൊമ്പന് തേടിപ്പിടിച്ച് എത്തുകയാണെന്നാണ് നാട്ടുകാർ പറയുന്നത്.
