കോതമംഗലം: യെല്ദോ മാര് ബസേലിയസ് കോളേജ് നാഷണല് സര്വീസ് സ്കീം യൂണിറ്റിന്റെ നേതൃത്വത്തില് ശുചിത്വ മിഷന്റെ ഭാഗമായി സമൂഹിക നന്മ, കരുതല്, ശുചിത്വം എന്നിവയുടെ അവബോധം സൃഷ്ടിക്കുന്നതിനായി പ്രിയദര്ശിനി’ ബസ്കളും, കെഎസ്ആര്ടിസി ഡിപ്പോയും ശുചീകരിച്ചു. ഷിബു തെക്കുംപുറം എംഎല്എ ശുചീകരണ പ്രവര്ത്തനങ്ങള് ഉദ്ഘാടനം ചെയ്തു.
നഗരസഭ വാര്ഡ് കൗണ്സിലര് ഷിബു കുര്യാക്കോസ് അധ്യക്ഷത വഹിച്ചു. യോഗത്തില് നാഷണല് സര്വ്വീസ് സ്കീം പ്രോഗ്രാം ഓഫീസര് ബേസില് പി. എന്,കോതമംഗലം കെ.എസ്.ആര്.ടി .സി ഡിപ്പാര്ട്ട് മെന്റ് അധികാരികളായ രാജീവ് എന്.ആര്, സ്റ്റേഷന് മാസ്റ്റര് റോയി എം.പി, സൂപ്രണ്ട് സജിത്ത് ടി. കുമാര്, ബിജി ജോസ്, പ്രിന്സ്,പ്രോഗ്രാം ഓഫീസര് അലീന ജോസ് തുടങ്ങിയവര് പങ്കെടുത്തു.
എന്എസ്എസ് വോളന്റിയര് സെക്രട്ടറി മാരായ അനന്തു ബിജു, മുഹമ്മദ് നിസാം, രേവതി ബിജു, അമീറ എന്.എസ് എന്നിവര് ശൂചികരണ പ്രവര്ത്തനങ്ങള്ക്ക് നേതൃത്വം നല്കി. 80 എന്എസ്എസ് വോളന്റിയേഴ്സ് ശൂചികരണ പ്രവര്ത്തനങ്ങളില് പങ്കാളികളായി.
