കോതമംഗലം: കീരംപാറ സഹകരണ ബാങ്കിൽ എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം കരസ്ഥമാക്കിയ ബാങ്കിലെ അംഗങ്ങളുടെ കുട്ടികൾക്കുള്ള ക്യാഷ് അവാർഡ് വിതരണവും സർവ്വിസിൽ നിന്ന് വിരമിക്കുന്ന സ്റ്റാഫ് അംഗത്തിന് യാത്രയയപ്പും നൽകി.ഷിബു തെക്കുംപുറം എംഎൽഎ ഉദ്ഘാടനം നിർവഹിച്ചു. ബാങ്കിൻ്റെ പുന്നേക്കാട് ഹാളിൽ നടത്തിയ സമ്മേളനത്തിൽ ബാങ്ക് പ്രസിഡൻ്റ് കെ. കെ. ദാനി അധ്യക്ഷത വഹിച്ചു.
ബാങ്ക് ഭരണസമിതി അംഗങ്ങളായ ബിനോയി എം തോമസ്, സിബി ചാക്കോ, സോമി കോരത്, മാണി ജോബ്, ലിറ്റി ജോണി, സൗമ്യ ജോമോൻ, സോണിയ ജേക്കബ്, ബാങ്ക് സെക്രട്ടറി സിമി പോൾ, പഞ്ചായത്ത് അംഗങ്ങൾ എന്നിവർ പ്രസംഗിച്ചു. ചടങ്ങിൽ സർവ്വീസിൽ നിന്ന് വിരമിക്കുന്ന കുമാരി കൃഷ്ണന് യാത്രയയപ്പും നൽകി.
