കോതമംഗലം: രൂപത പിതൃവേദിയുടെ ആഭിമുഖ്യത്തില് മൂവാറ്റുപുഴ നെസ്റ്റ് പാസ്റ്ററല് സെന്ററില് പിതൃദിന ആഘോഷം നടത്തി. കോതമംഗലം രൂപതാ മുന് അധ്യക്ഷന് മാര് ജോര്ജ് പുന്നക്കോട്ടില് പിതൃദിനാഘോഷം ഉദ്ഘാടനം ചെയ്തു. കുടുംബ ജീവിതമാകുന്ന തോണിയിലെ തോണിക്കാരനാണ് കുടുംബനാഥന്മാര്. താനായിരിക്കുന്ന തോണിയില് പ്രതിസന്ധികളും കോളിളക്കങ്ങളും ഉണ്ടാകും. എന്നാല് അതിനെയെല്ലാം അതിജീവിച്ച് ശരിയായ ലക്ഷ്യത്തിലെത്തിക്കേണ്ടവരാണ് ഓരോ കുടുംബത്തിലെയും പിതാക്കന്മാരെന്ന് മാര് ജോര്ജ് പുന്നക്കോട്ടില് പറഞ്ഞു.
പിതൃവേദി രൂപത പ്രസിഡന്റ് പ്രൊഫ. ജോസ് അബ്രഹാം യോഗത്തില് അധ്യക്ഷത വഹിച്ചു. രൂപത ഡയറക്ടര് ഡോ.ആന്റണി പുത്തന്കുളം,ബിജു ജോയ്, ദേബാര് ജോസഫ് എന്നിവ പ്രസംഗിച്ചു. രൂപതാ പ്രതിവേദി നടത്തിയ പ്രവര്ത്തനങ്ങളുടെ റിപ്പോര്ട്ട് സെക്രട്ടറി ജിജി പുളിക്കല് അവതരിപ്പിച്ചു. വാഴക്കുളം, കാവക്കാട്, തൊടുപുഴ വിജ്ഞാന മാതാ, കരിമണ്ണൂര് എന്നീ യൂണിറ്റുകളിലെ വ്യത്യസ്ത പ്രവര്ത്തനങ്ങള് ചടങ്ങില് പങ്കുവച്ചു.
