മൂവാറ്റുപുഴ: ആയവനയിൽ മാത്യു കുഴൽനാടന്റെ ഫ്ലക്സ് കത്തിച്ച് മുസ്ലിം യൂത്ത് ലീഗ്. മുസ്ലിം ലീഗ് പുന്നമറ്റം ശാഖ കമ്മിറ്റി ഓഫീസിന് സമീപം സ്ഥാപിച്ചിരുന്ന ഫ്ലെക്സിൽ നിന്നും മാത്യുക്കുഴൽനാടന്റെ ചിത്രം വെട്ടി മാറ്റിയെടുത്ത് കത്തിച്ചാണ് യൂത്ത് ലീഗ് പ്രതിഷേധിച്ചത്. മുസ്ലിംലീഗിനെതിരെ ഇന്ന് മാത്യു കുഴൽനാടൻ നടത്തിയ പ്രസ്താവനിൽ പ്രതിഷേധിച്ചാണ് യൂത്ത് ലീഗ് രംഗത്തെത്തിയത്. കോൺഗ്രസിന്റെ ആഭ്യന്തര പ്രശ്നങ്ങളിൽ ലീഗ് അഭിപ്രായം പറയേണ്ട എന്നായിരുന്നു മാത്യു കുഴൽനാടന്റെ പ്രസ്താവന. വി.ഡി സതീശന് അനുകൂലമായി മുസ്ലിം ലീഗ് രംഗത്തെത്തിയതിനെ തുടർന്നായിരുന്നു മാത്യു കുഴൽനടന്റെ പ്രസ്താവന. ഇതിൽ പ്രതിഷേധിച്ചാണ് യൂത്ത് ലീഗ് പുന്നമറ്റം മേഖലാ കമ്മിറ്റി മാത്യു കുഴൽനാടന്റെ ഫ്ലക്സ് കത്തിച്ച് പ്രതിഷേധിച്ചത്.
കേരളം ഇനി ഇവർ നയിക്കും എന്ന് എഴുതി കുഞ്ഞാലിക്കുട്ടി, വിഡി സതീശൻ, രമേശ് ചെന്നിത്തല, മാത്യു കുഴൽനാടൻ എന്നിവരുടെ ചിത്രങ്ങൾ ഉൾപ്പെടെ മുസ്ലിം ലീഗ് പുന്നമറ്റം ശാഖ കമ്മിറ്റി സ്ഥാപിച്ചിരുന്ന ഫ്ലെക്സിൽ നിന്നും മാത്യു കുഴൽനാടന്റെ ചിത്രം മാത്രം വീട്ടിയെടുത്ത് കത്തിച്ചാണ് യൂത്ത് ലീഗ് പ്രതിഷേധിച്ചത്.
