കോതമംഗലം: മോട്ടോര് വാഹന വകുപ്പും പോലീസ് വകുപ്പും സംയുക്തമായി ട്രാഫിക് നിയമലംഘനങ്ങള്ക്കുള്ള പിഴത്തുകയില് വന് ഇളവുകളോടെ അദാലത്ത് സംഘടിപ്പിക്കുന്നു. സംസ്ഥാന സര്ക്കാരിന്റെ ആംനസ്റ്റി സ്കീം പ്രകാരം, 2024 ഡിസംബര് 31 വരെ ചുമത്തിയിട്ടുള്ള പിഴകള് 50 ശതമാനം ഇളവോടെ അടച്ചു തീര്ക്കാനുള്ള അവസരമാണ് ഇതിലൂടെ ലഭിക്കുന്നത്. ഏപ്രില് 30 വരെ മൂവാറ്റുപുഴ ആര്ടി ഓഫീസ്, കോതമംഗലം സബ് ആര്ടി ഓഫീസ്, പെരുമ്പാവൂര് സബ് ആര്ടി ഓഫീസുകളില് പ്രവൃത്തി ദിവസങ്ങളില് രാവിലെ 10.15 മുതല് വൈകുന്നേരം 5 വരെയായിരിക്കും അദാലത്ത്.
ഇലക്ട്രോണിക് ചെല്ലാനുകള്, ചെക്ക് റിപ്പോര്ട്ടുകള്, ക്യാമറ വഴി കണ്ടെത്തിയ നിയമലംഘനങ്ങള് എന്നിവയ്ക്ക് ഈ ഇളവ് ബാധകമാണ്.
നിയമനടപടികള് ഒഴിവാക്കാനും, വാഹനം അല്ലെങ്കില് ലൈസന്സ് സംബന്ധമായ സേവനങ്ങള് തടസ്സമില്ലാതെ ലഭിക്കാനും പിഴകള് അടച്ചു തീര്ക്കേണ്ടത് അത്യാവശ്യമാണ്. ഈ ആനുകൂല്യം ഏപ്രില് 30 വരെ മാത്രമേ ലഭ്യമാവുകയുള്ളൂ എന്ന് റീജിയണല് ട്രാന്സ്പോര്ട്ട് ഓഫീസര് അറിയിച്ചു. കൂടുതല് വിവരങ്ങള്ക്ക് മൂവാറ്റുപുഴ ആര്.ടി ഓഫീസ്: 0485-2814959, 9188917317. പെരുമ്പാവൂര് സബ് ആര്.ടി ഓഫീസ്: 0484-2525573, 9188917340. കോതമംഗലം സബ് ആര്.ടി ഓഫീസ്: 0485-2862826, 9188917344
