നെല്ലാട്: പട്ടിമറ്റം-മൂവാറ്റുപുഴ റോഡില് നെല്ലാടിന് സമീപം പാലച്ചുവട് ബൈക്കുകള് കൂട്ടിയിടിച്ച് വിദ്യാര്ത്ഥിക്ക് ദാരുണാന്ത്യം. മൂവാറ്റുപുഴ തോട്ടുങ്ങല് പീടിക ചാരുവേലില് രമേശിന്റെ മകന് അര്ജുന് രമേശ് (20) ആണ് മരിച്ചത്. ശനിയാഴ്ച രാത്രി വലമ്പൂരില് കളരി പഠനത്തിനുശേഷം വീട്ടിലേക്ക് മടങ്ങുന്ന വഴി എതിര്ദിശയില് നിന്നും വന്ന ബൈക്കുമായി കൂട്ടിയിടിക്കുകയായിരുന്നു.
അപകടത്തില് ഗുരുതരമായി പരിക്കേറ്റ അര്ജുനെ കോലഞ്ചേരി മെഡിക്കല് കോളേജ് ആശുപത്രിയില് പ്രവേശിപ്പിച്ചെങ്കിലും ചികിത്സയിലിരിക്കെ മരിക്കുകയായിരുന്നു. പുതുപ്പാടി കോളേജില് രണ്ടാം വര്ഷ ബികോം വിദ്യാര്ത്ഥിയാണ് അര്ജുന് രമേശ്. സംസ്കാരം ഞായറാഴ്ച 5ന്.
