മൂവാറ്റുപുഴ: കുളപ്പുറം സെന്റ് ജോര്‍ജ് എല്‍പി സ്‌കൂളിലെത്തി വോട്ട് രോഖപ്പെടുത്തി ഡീന്‍ കുര്യാക്കോസ് എംപി. രാവിലെ 8.30 ഓടെ എത്തിയാണ് എംപി വോട്ട് രേഖപ്പെടുത്തിയത്. സംസ്ഥാനത്ത് 100ലധികം സീറ്റുകള്‍ നേടി ഐക്യ ജനാധിപത്യ മുന്നണിയുടെ അതിശക്തമായ തിരിച്ചുവരവ് യാഥാര്‍ത്ഥ്യമാകും എന്നും, ആ വലിയ മുന്നേറ്റത്തില്‍ ആവേശം പകരുന്ന വിജയം മൂവാറ്റുപുഴയില്‍ മാത്യുക്കുഴല്‍നാടന് ഉണ്ടാകുമെന്നും ഡീന്‍ കുര്യാക്കോസ് എംപി പറഞ്ഞു.
മൂവാറ്റുപുഴയുടെ ഇന്നുവരെയുള്ള ചരിത്രത്തില്‍ ഏറ്റവും വലിയ ഭൂരിപക്ഷം നേടിയിരിക്കും മാത്യു കുഴല്‍നാടന്‍ ഈ തെരഞ്ഞെടുപ്പില്‍ വിജയിക്കാന്‍ പോകുന്നതെന്നും എംപി കൂട്ടിച്ചേര്‍ത്തു. ഭാര്യയ്ക്കും സഹോദരനും ഒപ്പമെത്തിയാണ് എംപി വോട്ട് രേഖപ്പെടുത്തിയത്.
