കോതമംഗലം: നാടിൻ്റെ വികസനത്തിനായി രാജാക്കൻമാരുടെ കാലത്ത് ജനങ്ങൾക്ക് തുറന്നുകൊടുത്ത ആലുവ – മൂന്നാർ രാജപാത വനം വകുപ്പ് അടച്ചു പൂട്ടുന്നത് അന്യായമാണെന്ന് കോതമംഗലം രൂപത ബിഷപ്പ് മാർ ജോർജ് മഠത്തിക്കണ്ടത്തിൽ പറഞ്ഞു.
ഓൾഡ് ആലുവ മൂന്നാർ രാജപാത PWD റോഡ് പുനർ ഗതാഗതയോഗ്യമാക്കണമെന്നാവശ്യപ്പെട്ട് കോതമംഗലം PWD സബ്ഡിവിഷൻ ഓഫീസിന് മുൻപിൽ കോതമംഗലം മുനിസിപ്പൽ കൗൺസിലിന്റെയും കീരംപാറ, കുട്ടമ്പുഴ, മാങ്കുളം ഗ്രാമപഞ്ചായത്തുകളുടെയും റോഡ് ആക്ഷൻ കൗൺസിലിൻ്റെയും സംയുക്ത ആഭിമുഖ്യത്തിൽ നടത്തിയ ജനകീയമുന്നേറ്റ ധർണ്ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പഴയ ആലുവ – മൂന്നാർ രാജപാത തുറന്നു കിട്ടണമെന്നാവശ്യപ്പെട്ട് നടത്തിയ റാലിയിലും, ധർണയിലും നൂറുകണക്കിനാളുകൾ പങ്കെടുത്തു. KSRTC ജംഗ്ഷനിൽ നിന്നാരംദിച്ച റാലി PWD ഓഫീസിനു മുന്നിൽ സമാപിച്ചു.
