കോതമംഗലം: നെല്ലിക്കുഴി ടൗണിന് സമീപം കിണറ്റില് വീണ മ്ലാവിനെ രക്ഷപെടുത്തി. നെല്ലിക്കുഴി കനാല് പാലത്തിന് സമീപം ഡോ. നജീബിന്റെ വീട്ടിലെ കിണറിലാണ് മ്ലാവ് വീണത്. ബുധനാഴ്ച ഉച്ചകഴിഞ്ഞ കിണറിന്റെ മറ കീറി കിടക്കുന്നത് കണ്ട് നോക്കിയപ്പോഴാണ് മ്ലാവിനെ കിണറ്റില് വീണ നിലയില് കണ്ടെത്തിയത്.
രാവിലെ സമീപത്തെ കാട് പിടിച്ച പറമ്പ് വൃത്തിയാക്കുന്നതിനിടയിലാണ് ആദ്യം മ്ലാവിനെ കണ്ടത്. പിന്നീട് മ്ലാവ് കിണറ്റില് വീണതറിഞ്ഞ് വനം വകുപ്പിനെ വിവരമറിയിക്കുകയായിരുന്നു. തുടര്ന്ന് ഫയര്ഫോഴ്സുംസും ,വനപാലകരും ചേര്ന്ന് വടം കെട്ടി മ്ളാവിനെ പുറത്തെടുത്തു.
