കോതമംഗലം :കഴിഞ്ഞ ബുധനാഴ്ച്ച രാവിലെ 6.30 നോടുകൂടി മണികണ്ഠൻ ചാലിൽ ഒഴുക്കിൽപ്പെട്ട് കാണാതായ ബിജുവിന്റെ മൃത ദേഹം ഇന്ന് രാവിലെ 8.30 നോടുകൂടി പൂയംകുട്ടി കപ്പേളപ്പടി യിൽ കണ്ടെത്തി.അപകടം ഉണ്ടായ സമയം മുതൽ ബിജുവിനെ കണ്ടെത്തുന്നതിനായുള്ള തിരച്ചിൽ വ്യാപകമായി കഴിഞ്ഞ ആറു ദിവസകാലം നടത്തിയിരുന്നു. അപകടം ഉണ്ടായ മണികണ്ഠൻ ച്ചാൽ മുതൽ ആലുവ കൊടുങ്ങല്ലൂർ അടക്കമുള്ള പ്രദേശങ്ങളിലേയ്ക്കും തിരച്ചിൽ വ്യാപിപ്പിച്ചിരുന്നു.
ഫയർ ഫോഴ്സിന്റെ സ്കൂബ ടീം, എൻ ഡി ആർ എഫും നേവിയും, നാട്ടുകാരും,റവന്യൂ,പഞ്ചായത്ത് അധികൃതർ,പോലീസ്,വനം വകുപ്പുമെല്ലാം ചേർന്നുകൊണ്ടാണ് കഴിഞ്ഞ ആറു ദിവസകാലമായി എല്ലാ മേഖലയിലും വ്യാപകമായി ബിജുവിനായി തിരച്ചിൽ നടത്തിയത്. കഴിഞ്ഞ ആറു ദിവസക്കാലവും രാവിലെ മുതൽ കുട്ടമ്പുഴയിൽ ക്യാമ്പ് ചെയ്ത് ആന്റണി ജോൺ എം എൽ എ യും, പഞ്ചായത്ത് പ്രസിഡന്റ് കാന്തി വെള്ളക്കയ്യനും, തഹസിൽ ദാർ എം അനിൽകുമാറും പ്രവർത്തനങ്ങൾ ഏകോപിപ്പിച്ചു.ബുധനാഴ്ച്ച(25/6/2025) രാവിലെ മുതൽ അപകടത്തിൽ പ്പെട്ട ബിജുവിനെ കണ്ടെത്തുന്നതിനായി കഴിഞ്ഞ ദിവസങ്ങളിലെല്ലാം നടന്ന തിരച്ചിലിൽ പങ്കാളികളായ ഏവരോടും പ്രത്യേകം നന്ദി രേഖപ്പെടുത്തുന്നതായി ആന്റണി ജോൺ എം എൽ എ പറഞ്ഞു.
