കിണറ്റില്‍ വീണ പോത്തിനെയും പശുവിനെയും രക്ഷപ്പെടുത്തി അഗ്‌നിരക്ഷാസേന

കോതമംഗലം: കിണറ്റില്‍ വീണ പോത്തിനെയും പശുവിനെയും അഗ്‌നിരക്ഷാസേന രക്ഷപ്പെടുത്തി. ഇന്നലെ രാവിലെ 8.30ഓടെ കുളങ്ങാട്ടുകുഴി പാലത്തിങ്കല്‍ മാത്യുവിന്റെ പശുവും, 11.30ഓടെ നൂലേലി മണമലക്കുന്നേല്‍ മക്കാരിന്റെ പോത്തും കിണറില്‍ വീഴുകയായിരുന്നു. കോതമംഗലം അഗ്‌നിരക്ഷാ സേന സംഭവ സ്ഥലങ്ങളിലെത്തി പോത്തിനേയും പശുവിനെയും സുരക്ഷിതമായി പുറത്തെടുത്തു.