കോതമംഗലം : കവളങ്ങാട് സർവ്വീസ് സഹകരണ ബാങ്കിന്റെ (ക്ലിപ്തം നം1348 ) 2023 -2024 സാമ്പത്തിക വർഷത്തെ വാർഷിക പൊതുയോഗത്തിനോടനുബന്ധിച്ച് എസ്.എസ്.എൽ.സി,പ്ലസ്‌ടു പരീക്ഷകളിൽ ഉന്നത വിജയം നേടിയ കുട്ടികൾക്കുള്ള സ്കോളർഷിപ്പ് വിതരണം ചെയ്തു. വിതരണ ഉദ്ഘാടനം ആന്റണി ജോൺ എം എൽ എ നിർവഹിച്ചു.
ബാങ്ക് പ്രസിഡൻ്റ് യാസർ മുഹമ്മദ് അധ്യക്ഷനായ ചടങ്ങിൽ ഡയറക്ടർ ബോർഡ് അംഗം വിനയൻ പി.ബി, പഞ്ചായത്ത് പ്രസിഡൻ്റ് സിബി മാത്യു, ബാങ്ക് സെക്രട്ടറി പി.കെ മധുസൂധനൻ,ബാങ്ക് ഭരണ സമിതി അംഗം ബാബു എം. ഡി എന്നിവർ പങ്കെടുത്തു. വിവിധ പരീക്ഷകളിൽ ഉന്നത വിജയം നേടിയ ബാങ്ക് അംഗങ്ങളുടെ മക്കൾക്ക് സ്കോളർഷിപ്പ് വിതരണവും, ബാങ്കിൻ്റെ പ്രവർത്തന പരിധിയിൽ സമൂഹത്തിലെ വിവിധതുറകളിൽ മികവ് തെളിയിച്ചവർക്കുള്ള ആദരവും നൽകി.
