കോതമംഗലം: നെല്ലിമറ്റം എം ബിറ്റ്‌സ് കോളേജിന് സമീപം ഇന്ന് രാവിലെ നടന്ന വാഹനാപകടത്തില്‍ രാജാക്കാട് സ്വദേശിയായ യുവാവിന് ദാരുണാന്ത്യം. ബൈക്കില്‍ സഞ്ചരിച്ചിരുന്ന രാജാക്കാട് മമ്മട്ടിക്കാനം സ്വദേശി അനീഷാണ് മരിച്ചത്. കോതമംഗലം ഭാഗത്ത് നിന്ന് രാജക്കാട് ഭാഗത്തേക്ക് ബൈക്കില്‍ സഞ്ചരിക്കുകയായിരുന്ന അനീഷ് നിയന്ത്രണം വിട്ട്, റോഡില്‍ പാര്‍ക്ക് ചെയ്ത് ആപ്പേ വാഹനത്തില്‍ മീന്‍ വില്‍ക്കുകയായിരുന്ന കുത്തുകുഴി സ്വദേശി ജോബിയെ ഇടിച്ചു തെറിപ്പിക്കുകയായിരുന്നു. പരിക്കേറ്റ ജോബിയെ ആലുവ രാജഗിരി ആശുപത്രിയില്‍ പ്രവേശിപ്പിച്ചു. ഊന്നുകല്‍ പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.
