കോതമംഗലം: കോതമംഗലം സെന്റ്. ജോസഫ്സ് (ധർമ്മഗിരി) ആശുപത്രിയും
കുട്ടമ്പുഴ യുവ പബ്ലിക് ലൈബ്രറിയും സംയുക്തമായി കുട്ടമ്പുഴ ട്രൈബൽ ഷെൽട്ടറിൽ സംഘടിപ്പിച്ച സൗജന്യ നേത്രപരിശോധന ക്യാമ്പ് കോതമംഗലം ബ്ലോക്ക് പഞ്ചായത്ത് പ്രസിഡന്റ് പി.എ.എം ബഷീർ ഉദ്ഘാടനം ചെയ്തു. യുവ പബ്ലിക്ക് ലൈബ്രറി പ്രസിഡന്റ് കെ.എ. സിബി അദ്ധ്യക്ഷത വഹിച്ചു.ഓസ്ട്രേലിയലിലെ ഇൻസ്റ്റിറ്റ്യൂട്ട് ഓഫ് ഹെൽത്ത് നഴ്സിങ്ങിൽ നിന്ന് മികച്ച നഴ്സിംഗ് സൂപ്പർവൈസർക്കുള്ള അവാർഡ് കരസ്ഥമാക്കിയ
ധർമ്മഗിരി ആശുപത്രി അഡ്മിനിസ്ട്രേറ്റർ സിസ്റ്റർ. അഭയയെ യോഗത്തിൽ ആദരിച്ചു.
ലൈബ്രറി സെക്രട്ടറി ജോസഫ് രഞ്ചിത്ത്, ധർമ്മഗിരി ആശുപത്രിയിലെ നേത്രരോഗ വിദ്ഗധൻ ഡോ.വി.ആർ.മണി, പഞ്ചായത്ത് അംഗവും യുവ ചാരിറ്റി വിംഗ് കൺവീനറുമായ ജോഷി പൊട്ടയ്ക്കൽ, യുവ വൈസ് പ്രസിഡന്റ് പി.ബി ബിനു , ട്രഷറാർ ബിനിൽ കെ ബേബി, മുരളി കുട്ടമ്പുഴ, യുവ സീനിയർസ് പ്രസിഡന്റ് ശിവൻ ആലുങ്കൽ, യുവ ഭാരവാഹികളായ സീന ജെയ്‌സൺ, ജോബി തോമസ്, റെന്നി ജോർജ്, ജയൻ ടി സി, ഔസപ്പ് ടി വി, ആൽബിൻ ഔസേപ്പച്ചൻ , ജിഷ ജയൻ, ഷിജി അരുൺ, രാജമ്മ രാജൻ, ജെസ്സി ബേസിൽ സെൻറ്. ജോസഫ്സ് ഹോസ്പിറ്റൽ ധർമ്മഗിരി പി.ആർ.ഒ എബി കുര്യാക്കോസ് എന്നിവർ പ്രസംഗിച്ചു. ക്യാമ്പിൽ നൂറ്റിഅൻപത് പേർ പങ്കെടുത്തു.
