നേര്യമംഗലം:നീണ്ടപാറ, ചെമ്പന്‍കുഴി പ്രദേശത്തെ ജനങ്ങളെ ബുദ്ധിമുട്ടിച്ച കാട്ടാന ശല്യത്തിന് പരിഹാരമായി. പെരിയറിന്റെ ഇരു കരകളിലും അടിയന്തിരമായി ഫെന്‍സിങ് സ്ഥാപിക്കുമെന്ന് വനം വകുപ്പ് മന്ത്രി ഉറപ്പു നല്‍കി. എംഎല്‍എ ആന്റണി ജോണിന്റെ ഇടപെടലിനെ തുടര്‍ന്നാണ് മന്ത്രി എ കെ ശശീന്ദ്രന്‍ ഉറപ്പ് നല്‍കിയത്. കഴിഞ്ഞ ഏറെ കാലമായി നേര്യമംഗലം പ്രദേശത്ത് വന്യ ജീവി ശല്ല്യം രൂക്ഷമായിരുന്നു. ജനങ്ങളുടെ നിത്യജീവിതത്തിന് ഭീഷണി ആവുന്നതോടൊപ്പം വലിയ കൃഷി നാശവും സംഭവിച്ചിരുന്നു. പ്രാദേശത്തെ ജനങ്ങളുടെ ഏറെ നാളത്തെ ആവിശ്യമാണ് ഇതോടെ നടപ്പിലാവുന്നത്. എംഎല്‍എക്കൊപ്പം സിപിഐ(എം) എരിയാ സെക്രട്ടറി ഷാജി മുഹമ്മദ്, കവളങ്ങാട് പഞ്ചായത്ത് പ്രസിഡന്റ് സിബി മാത്യു, എന്നിവര്‍ നേരിട്ടാണ് വനം വകുപ്പ് മന്ത്രിയുമായി ചര്‍ച്ച നടത്തിയത്.
