കോതമംഗലം :- പൂയംകുട്ടി വനത്തിൽ വച്ച് കാട്ടുപോത്തിൻ്റെ ആക്രമണത്തിൽ ഒരാൾക്ക് പരിക്ക്. ഉറിയം പെട്ടി ആദിവാസി കോളനിയിലെ വേലപ്പ(55) നാണ് കാട്ടുപോത്തിൻ്റെ ആക്രമണത്തിൽ പരിക്കേറ്റത്. കുഞ്ചിപ്പാറക്ക് സമീപം മഞ്ചപ്പാറ എന്ന സ്ഥലത്ത് വച്ചാണ് ആക്രമണം ഉണ്ടായത്. ശിവദാസ്, രാജു എന്നീ ബന്ധുക്കൾ ഉൾപ്പെടെയുള്ള അഞ്ചംഗ സംഘത്തിനു നേരെയായിരുന്നു ആക്രമണമുണ്ടായത്. മറ്റുള്ളവർ ഓടി രക്ഷപെട്ടു.
പരിക്കേറ്റയാളെ വനത്തിന് പുറത്തെത്തിച്ച് വനം വകുപ്പിൻ്റെ സഹായത്തോടെ ആംബുലൻസിൽ കോതമംഗലം താലൂക്ക് ആശുപത്രിയിലെത്തിച്ചു. തുടർന്ന് ഡോക്ടറുടെ നിർദ്ദേശപ്രകാരം കൂടുതൽ പരിശോധനകൾക്കായി കളമശേരി മെഡിക്കൽ കോളേജിലെക്ക് മാറ്റി.
